Video
Read full review
2016-11-05
561 views
不常來尖沙咀搵食，今日有點趕時間，見到地庫有米線食，就走落去。落到去只見到一間白雪雪西式裝修的店，心想不是這裡，要調頭走時，就有一位女士叫 "食米線呀？入嚟啦！" 吓？！竟然係呢度？！店的裝潢帶點歐洲的浪漫色彩，桌上的餐具籃，甚至檯號的心型牌，都非常有情調。不過... 我來食雲南米線喎！氣氛差距也太大吧？！（應該是承接上一手店的裝修唔想再改吧。用openrice就可以輕易找到上手店的資料）店子不小，但只坐了1/4，得六檯人(當時係18:55)，而且異常的靜，有自修室的感覺，尖沙咀的食客不應該這麼靜吧？我點了肥牛酸辣米線小辣（分唔辣，小小辣，小辣，中辣，大辣，大大辣，好似係噉叫...）+豆漿，太太叫豬頸肉米線唔辣。先來唔辣米線，但豬頸肉呢？心諗應該是分開上，但等了三分鐘都冇，最後問侍應，一分鐘後即上豬頸肉，唔叫都唔拎出來。（錯誤#1）豬頸肉比較乾身，米線真的唔辣，但酸菜頗多，都幾酸吓。（抱歉圖片欠奉）我的肥牛米線都幾足料，好大碗，只是都頗辣。我都叫做食得辣的人，小辣都咁辣，其他級數可能會辣死人...但我杯豆漿呢？又要問侍應，原來冇落單（錯誤#2），之後又係一分鐘後即上。最後埋單時，因為之
落到去只見到一間白雪雪西式裝修的店，心想不是這裡，要調頭走時，就有一位女士叫 "食米線呀？入嚟啦！" 吓？！竟然係呢度？！
店的裝潢帶點歐洲的浪漫色彩，桌上的餐具籃，甚至檯號的心型牌，都非常有情調。不過... 我來食雲南米線喎！氣氛差距也太大吧？！（應該是承接上一手店的裝修唔想再改吧。用openrice就可以輕易找到上手店的資料）
店子不小，但只坐了1/4，得六檯人(當時係18:55)，而且異常的靜，有自修室的感覺，尖沙咀的食客不應該這麼靜吧？
我點了肥牛酸辣米線小辣（分唔辣，小小辣，小辣，中辣，大辣，大大辣，好似係噉叫...）+豆漿，太太叫豬頸肉米線唔辣。
先來唔辣米線，但豬頸肉呢？心諗應該是分開上，但等了三分鐘都冇，最後問侍應，一分鐘後即上豬頸肉，唔叫都唔拎出來。（錯誤#1）
豬頸肉比較乾身，米線真的唔辣，但酸菜頗多，都幾酸吓。（抱歉圖片欠奉）
我的肥牛米線都幾足料，好大碗，只是都頗辣。我都叫做食得辣的人，小辣都咁辣，其他級數可能會辣死人...
但我杯豆漿呢？又要問侍應，原來冇落單（錯誤#2），之後又係一分鐘後即上。
最後埋單時，因為之前漏單的豆漿與單據上的銀碼不符，老闆跟收錢的女侍應還要在我們面吵了半分鐘鬧邊個做錯嘢又唔認，唔該唔好響客人面前嘈啦～（錯誤#3）
此店食物其實唔錯，足料，大碗，湯底都香，只係氣氛唔夾同埋好多蝦碌嘢發生。其實店內客人一直唔算多，但錯誤頻生，要改善一下。
Post
