春芳號 (裕民坊YM²)

Open Now

Now Closed

同成班同學喺裕民坊食完飯就去買台式飲杯，直落到711對面就係春芳號我哋5個人嗌咗5杯不嘢share飲，仲加咗個紅豆多士！紅豆多士係台式熱壓所以烘到個麵包勁脆，好crunchy！紅豆蓉有好多，食落都有咬口，都食到紅豆一粒粒嘅口感而且味道唔會好甜，所以一啲都唔膩.布丁珍珠奶茶篤落去都feel到入面有個pudding，飲落好正pudding味，好似以前細個飲四方果咁，口感好正再加埋珍珠黏黏地嘅口感，每啖都好有咬口，味道係好重pudding味，所以成杯都好好飲.蜜桃愛玉紅愛玉好有Q彈，感覺勁消暑，飲完好凉.蜜桃茶味超濃，勁香.地瓜珍珠鮮奶蕃薯味好香，但又唔會太濃，所以入口好好飲，溝咗鮮奶茶，蕃薯味溫和咗，加埋珍珠好有咬口，飲呢杯都好飽好滿足！薑汁鮮奶荼我本身好怕薑味，但呢杯啲薑唔辣 反而甜甜哋，薑薑哋慨味，好易入口，飲完仲有暖暖哋嘅感覺.紫薯奶綠超愛紫薯！佢個紫薯味啱啱好，唔會搶咗奶綠味，但又飲好好香紫薯味，同奶綠好夾！