東羅 泰館 (Closed)

好耐冇食泰國嘢，今日齊腳，就大家方便，就去左觀塘裕民坊嘅東羅泰館食晚飯，傾下偈。Set Dinner A (4人餐) $598精選熱湯有豆腐肉碎，正正常常，不過少了點泰式風味🤣🦐泰式生蝦刺身配酸辣青汁有八隻，爽口，配埋個汁好醒胃，好惹味。🦐東羅手打蝦棒炸至金黃香脆，唔會一食即散，蘸上酸甜泰式醬，好夾。🥗凱撒海蝦沙律有兩隻大蝦，沙律菜新鮮爽甜，😻泰式酸辣柚子沙律唔會好辣，柚子酸甜多汁，呢個柚子沙律唔會酸到好苦澀，勁開胃。🐷東羅泰滷豬手豬皮q彈，滷得入味，啲肉都好軟嫩，沾少少醋，可以解膩，個有半隻流心蛋同滷水豆腐。🦀又話拉蟹肉炒飯 +$18個名讀岀嚟幾得意，好似講緊泰文咁😂個飯都炒得幾乾身，食完唔會成口油，蟹肉都多，味道唔會好濃個隻，都啱我🤭🍨提拉米蘇杯呢個甜品幾好食，芝士軟滑，蛋糕浸過咖啡，糕體軟綿，唔錯。🍨美祿恐龍雪糕冰凍嘅椰子味雪糕，灑上美祿粉，再加上可可脆波，都幾好食。