Video
Read full review
2016-03-07
276 views
岩岩忙完一個大project, 要慰勞下自己食餐好嘅。喺openrice 見到呢間西餐幾多好評，又近老公返工既地方，就同老公去左食dinner!餐廳距離西營盤地鐵站大約5至8分鐘路程，可能係平日夜晩嘅關係，我地7點上到去嘅時候得幾枱客人。不過咁仲好：）等我同老公可以靜靜地撐下枱腳！ 餐廳環境感覺幾舒服，枱與枱之間唔算太迫。餐廳service 幾好，好有禮貌，仲有主動埋黎介紹d signature dishes比我地。晚餐係a la carte menu, 我地叫左兩個appetizers, Tasmania Salmon 同埋 Crab cake, 由於要留肚食甜品（因為已經好耐冇食過甜品喇！！）所以主菜只係揀左一個黑毛豬配燒薯同露筍，同埋一個side dish 雜菌意大利飯黎share! 落左單之後好快就送黎一籃麵包，有3款唔同嘅麵包，全部都微暖，口感都各有不同，特別要讚一讚圓形白色果個，超軟熟，有淡淡既香草味，好好食，轉眼間已經比我同老公K.O哂！個侍應見到我地食哂，有過黎問我地使唔使refill, 不過因為怕食唔哂d野，所以冇要到。 等左一陣我地兩個頭盤就黎左喇！個T
餐廳距離西營盤地鐵站大約5至8分鐘路程，可能係平日夜晩嘅關係，我地7點上到去嘅時候得幾枱客人。不過咁仲好：）等我同老公可以靜靜地撐下枱腳！
餐廳環境感覺幾舒服，枱與枱之間唔算太迫。餐廳service 幾好，好有禮貌，仲有主動埋黎介紹d signature dishes比我地。晚餐係a la carte menu, 我地叫左兩個appetizers, Tasmania Salmon 同埋 Crab cake, 由於要留肚食甜品（因為已經好耐冇食過甜品喇！！）所以主菜只係揀左一個黑毛豬配燒薯同露筍，同埋一個side dish 雜菌意大利飯黎share!
落左單之後好快就送黎一籃麵包，有3款唔同嘅麵包，全部都微暖，口感都各有不同，特別要讚一讚圓形白色果個，超軟熟，有淡淡既香草味，好好食，轉眼間已經比我同老公K.O哂！個侍應見到我地食哂，有過黎問我地使唔使refill, 不過因為怕食唔哂d野，所以冇要到。
等左一陣我地兩個頭盤就黎左喇！個Tasmania salmon個texture好軟熟, 魚好香，配埋墊底既無花果甜甜地，口感好豐富！個crab cake焗得好香口，入面有好多蟹肉，我覺得唔使「點」醬已經好正lu!
再黎我地個主菜黑毛豬，塊豬好juicy好香，一切開原來豬入面「釀」左d磨菇，再配埋d清清地嘅焗薯仔同露筍，好match又冇咁「漏」。side dish個risotto軟硬度適中，好香菇菌味，雖然係side dish, 但係份量都唔少，食到我地都好飽！
食完已經飽哂咁滯，但甜品又點可以放過呢？我點左個Apple Crumble 配雪糕，老公就繼續食去到邊點到邊嘅朱古力心太軟！
我個apple crumble好香甜，d蘋果一d都唔酸，好食，不過如果可以多d「脆脆」就perfect喇！老公既心太軟一上枱時已經有好濃烈既朱古力香味，流心程度一流，配埋個Vanilla 雪糕，極速就比老公食哂！
我地全程坐左2個鐘慢慢食，侍應中途不停加水，有service 但又唔會chur 住，所以好舒服！整體黎講，食物質素同環境舒適度都很好！下次再去果邊可以再去食呀！
Post
