九州鯛魚 (Closed)

今晚一個人食晚餐，揀左九州鲷魚，上次食左龍蝦鯛魚湯烏冬，一直念念不忘這裏的鯛魚湯，所以今晚再來。疫情之下，堂座客人少了很多，外賣卻絡繹不絕，我反而安心在餐廳進食，只是速度比之前快了很多。鯛魚湯的選擇有烏冬或湯飯，亦有不同類型的海鮮如龍蝦，長腳蟹，鮑魚，大蟹，花膠，帆立貝等，今晚我就揀了帆立貝烏冬$86首先當然係飲啖鯛魚湯先，鯛魚湯係由日本直送的鯛魚骨淆成，魚味香濃，鮮甜美味。凡立貝有2隻，大大隻，肉質嫩滑鮮甜。配菜有海帶，木耳絲，豆皮和紹菜，健康又美味。稻庭烏冬麵質爽滑彈牙，索滿鯛魚湯特別滋味。