Video
Read full review
2010-10-05
274 views
本來係去翠昇食飯, 但去到見到拉左閘, 門口貼左張紅紙, 以為老闆有事休息一天, 點知原來係租約期滿, 無緣再食, 唯有去隔離舖既明樂.今次係第一次食, 未到中午食飯時間但已經有唔少人食緊, 我同老公搵個卡位坐低, 當日午餐有四款選擇, $25送湯同熱飲, 老公叫左粟米石班飯, 我就叫左西炒飯, 跟餐都係要西湯, 飲熱奶茶.一分鐘左右就有兩碗羅宋湯上枱, 羅宋湯顏色怪異, 望落就好似將D顏料加落碗熱水咁, 飲一啖, 果然, 係一碗溝左少量茄味既水, 仲浮游住一塊青椒, 少量椰菜同紅蘿蔔, 唔可以稱之為"湯", 極其量只可叫做"雜菜茄味水".老公碟粟米石班飯好快就上枱, 炸魚同粟米茨汁味道一般, 唔太難食. 再等十分鐘, 我碟西炒飯上枱, 我同老公一見到碟飯都O晒嘴, 哩碟係西炒飯? 唔通我地短暫色盲?! 其實碟飯遞到我地面前一剎那, 我地一度以為佢炒錯左楊州炒飯, 但個侍應明明對我地講"西炒飯", 所以我地完全唔識反應, 只係呆左望住碟飯幾秒, 心知不妙....我地一人各食左一啖, 嘩!! 真係難食到唔識形容, 姑勿論佢係西炒飯定係其炒飯, 佢都完全唔似炒出黎, 我形容佢為"配料加
今次係第一次食, 未到中午食飯時間但已經有唔少人食緊, 我同老公搵個卡位坐低, 當日午餐有四款選擇, $25送湯同熱飲, 老公叫左粟米石班飯, 我就叫左西炒飯, 跟餐都係要西湯, 飲熱奶茶.
一分鐘左右就有兩碗羅宋湯上枱, 羅宋湯顏色怪異, 望落就好似將D顏料加落碗熱水咁, 飲一啖, 果然, 係一碗溝左少量茄味既水, 仲浮游住一塊青椒, 少量椰菜同紅蘿蔔, 唔可以稱之為"湯", 極其量只可叫做"雜菜茄味水".
老公碟粟米石班飯好快就上枱, 炸魚同粟米茨汁味道一般, 唔太難食. 再等十分鐘, 我碟西炒飯上枱, 我同老公一見到碟飯都O晒嘴, 哩碟係西炒飯? 唔通我地短暫色盲?! 其實碟飯遞到我地面前一剎那, 我地一度以為佢炒錯左楊州炒飯, 但個侍應明明對我地講"西炒飯", 所以我地完全唔識反應, 只係呆左望住碟飯幾秒, 心知不妙....
我地一人各食左一啖, 嘩!! 真係難食到唔識形容, 姑勿論佢係西炒飯定係其炒飯, 佢都完全唔似炒出黎, 我形容佢為"配料加白飯兜亂", 碟飯冇味兼毫冇鑊氣, 我冇誇大, 的確好難食!! 點算呢? 餐飯就咁泡湯? 唯有想辦法自救, 老公問侍應攞左支茄汁, 加左三羮落去撈, 試圖令D飯較易入口, 撈完見到碟飯顏色似番西炒飯, 諗住應該食得落口, 但結果都係一樣: 啃唔落!! 除左多左D茄汁味之外, 碟飯依然係非常難食, 啃左幾啖, 最後都冇辦法, 啃唔落!
最後飲左杯熱奶茶, 奶茶冇乜茶味, 普普通通唔算難飲!
一次好唔愉快既經歷: 碗"雜菜茄味水"(羅宋湯)同碟"配料加白飯兜亂"(西炒飲)足以令我地以後唔再踏足呢間餐廳!
Post