天天烘焙

Open Now

Now Closed

已經買過好多次嘅麵包舖，除咗有普通麵包，仲有麻糬波波同菠蘿皮麻糬波波，我主打買菠蘿皮麻糬波波。菠蘿皮麻糬波波有5款味，原味、斑蘭、朱古力、紫薯同咸蛋黃。菠蘿皮買8個以上免費有盒。其中大推斑蘭味，麻糬波波本身好濃斑蘭味，中間再加咗啲朱古力粒，其實唔知點解佢同紫薯味都要加朱古力粒係入面。菠蘿皮偏甜，包實個波波，每個都好大粒，質地煙韌。應該係斑蘭最多人買，所以佢有寫明呢款味嘅出爐時間。暫時佢都係以小店為主，同埋唔係主打賣麻糬波波，而且未有太多人知，所以我買過幾次都完全唔洗排隊。