Video
Read full review
2023-08-02
1302 views
同一大班朋友放學去西營盤食飯，發現高街呢頭幾多泰國菜呢間有lunch menu，仲要超多選擇: 炒粉麵飯、串燒、小食都有價錢唔算好貴，決定試試～每個lunch set到包餐湯，係芫荽肉碎紅蘿蔔湯，用真材實料煲出嚟，比得上中式老火湯🥣▶️ Grilled chicken satay w/ sticky rice 炭烤串燒雞配糯米飯($86)賣相好吸引，三大串雞肉串燒🤤旁邊有紅色嘅沙嗲醬可以點附上嘅糯米飯放喺竹筒入邊好得意雞肉串燒啖啖肉，帶少少油脂，肉質滑嫩多汁，入面仲少少粉色🐔燒到微香脆，有炭燒味，好好食！上面仲放咗啲炸蒜，食落脆卜卜，令雞口感上更豐富👍🏻沙嗲醬味道偏甜，帶有花生香味🥜非常有泰式風味糯米飯就有啲偏硬同乾身🍚不過個人幾鍾意，好有嚼口 (比較似臘味糯米飯而唔係糯米雞嗰種)本身糯米飯無乜味，餸串燒雞同沙嗲醬就perfect (串燒雞多過飯)-全部嘢都好好食好有水準😋見朋友叫嘅所有選擇望落唔錯又足料又大份 (尤其炒飯)，味道正宗，調味啱啱好，惹味得來唔過鹹服務好好，應該係泰國人開？主要講英文，不過老闆娘都識講廣東話，上菜算快，賣相靚仔舖頭偏細，但都容納到我哋十幾個人，只係通道上擠
呢間有lunch menu，仲要超多選擇: 炒粉麵飯、串燒、小食都有
價錢唔算好貴，決定試試～
每個lunch set到包餐湯，係芫荽肉碎紅蘿蔔湯，用真材實料煲出嚟，比得上中式老火湯🥣
▶️ Grilled chicken satay w/ sticky rice 炭烤串燒雞配糯米飯($86)
賣相好吸引，三大串雞肉串燒🤤
旁邊有紅色嘅沙嗲醬可以點
附上嘅糯米飯放喺竹筒入邊好得意
Grilled chicken satay w/ sticky rice
$86
104 views
0 likes
0 comments
雞肉串燒啖啖肉，帶少少油脂，肉質滑嫩多汁，入面仲少少粉色🐔燒到微香脆，有炭燒味，好好食！
上面仲放咗啲炸蒜，食落脆卜卜，令雞口感上更豐富👍🏻
沙嗲醬味道偏甜，帶有花生香味🥜非常有泰式風味
糯米飯就有啲偏硬同乾身🍚不過個人幾鍾意，好有嚼口 (比較似臘味糯米飯而唔係糯米雞嗰種)
本身糯米飯無乜味，餸串燒雞同沙嗲醬就perfect (串燒雞多過飯)
-
全部嘢都好好食好有水準😋見朋友叫嘅所有選擇望落唔錯
又足料又大份 (尤其炒飯)，味道正宗，調味啱啱好，惹味得來唔過鹹
服務好好，應該係泰國人開？主要講英文，不過老闆娘都識講廣東話，上菜算快，賣相靚仔
舖頭偏細，但都容納到我哋十幾個人，只係通道上擠迫少少
晏晝嚟到生意唔錯，坐滿成間餐廳
性價比高，計埋唔使$100/人，可以稱得上係西營盤隱世美食🇹🇭推介推介！
Post
