川之源

Open Now

Now Closed

中意食辣既我周圍食今次食到去西環，搵到間係西環樓梯旁既川菜餐廳—川之源。食川菜咁多次都未食過四川涼麵，今次就叫左一碗試下。食落酸酸辣辣，麵質彈牙，辣得過癮，而且仲好開胃。螞蟻上樹，平時食開既螞蟻上樹多數都係粉絲，但呢度既螞蟻上樹有啲唔同，係紅薯粉黎，食落比粉絲煙韌同有口感。清炒萵筍絲，叫左啲辣既菜式，緊係要叫返啲清淡少少既菜黎中和一下。呢個清炒萵筍絲食落爽口，清淡得黎唔會淡而無味，岩晒解油膩。黃金饅頭，平時我都好中意食炸饅頭，不過呢度既饅頭唔似出面個啲咁硬，食落好軟熟，外脆內軟。桂花冰粉，桂花味好香，唔會太甜，冰粉晶瑩剔透，食完透心涼。