Cafe Siam (科士街) (Closed)

Item: Cafe Siam (科士街)
Rating: 5
Author: torres_arso

143 Reviews

Taste

Decor

Service

Hygiene

Value

4913

Western District

$101-200

Thai

torres_arso

Level3

今日因工作關係到西環一趟，決定食完午餐才返辦公室，係地鐵站口一出已經有好多間餐廳，各式各樣的餐廳臨立，淨係選擇菜式都令我頭都大埋。路過見到呢間菜色不錯，環境同座位都舒適闊落，就試左個二人餐，包括兩項前菜及兩項主食。除左二人餐，好似WEEKDAY有大概$9X既一人午餐選擇，不過就不包括前菜。前菜分別選了大蝦冬陰公湯及燒豬頸肉，冬陰功湯非常好飲，湯底見到一大堆香料，咁足料都好難會難飲，正宗泰國風味，如果鍾意飲冬陰功真係唔好錯過。由於我地係叫二人餐，分量都夠一人兩至三碗，另外大蝦都係用泰式大頭蝦，蝦肉肉質爽口彈牙，feel到呢到冬陰功湯真係有好比心機做。至於燒豬頸肉，我地唔知正常分量係點，雖然新鮮出爐非常好食，但二人餐既量係如圖，剛剛好兩人分享，不過我地大胃王本色...見到肉量唔多就怕唔夠飽叫多個蛋包炒金邊粉。怕唔夠飽既原因係我同事以為夠食係叫主菜時要左個炒馬拉盞，結果捉蟲。原來每個主菜都配飯，搞到要食兩碗飯加埋個炒粉，最後我地兩條友都食哂。雞肉青咖哩既咖哩汁真係一流，充滿椰汁香氣又夠辣，仲有好多蔬菜做配菜（仲用埋泰國茄子），完全唔似出面D泰國餐廳HEA整，非常好食。炒馬拉盞就係正常菜色，另

Read full review

今日因工作關係到西環一趟，決定食完午餐才返辦公室，係地鐵站口一出已經有好多間餐廳，各式各樣的餐廳臨立，淨係選擇菜式都令我頭都大埋。路過見到呢間菜色不錯，環境同座位都舒適闊落，就試左個二人餐，包括兩項前菜及兩項主食。除左二人餐，好似WEEKDAY有大概$9X既一人午餐選擇，不過就不包括前菜。
前菜分別選了大蝦冬陰公湯及燒豬頸肉，冬陰功湯非常好飲，湯底見到一大堆香料，咁足料都好難會難飲，正宗泰國風味，如果鍾意飲冬陰功真係唔好錯過。由於我地係叫二人餐，分量都夠一人兩至三碗，另外大蝦都係用泰式大頭蝦，蝦肉肉質爽口彈牙，feel到呢到冬陰功湯真係有好比心機做。至於燒豬頸肉，我地唔知正常分量係點，雖然新鮮出爐非常好食，但二人餐既量係如圖，剛剛好兩人分享，不過我地大胃王本色...見到肉量唔多就怕唔夠飽叫多個蛋包炒金邊粉。

怕唔夠飽既原因係我同事以為夠食係叫主菜時要左個炒馬拉盞，結果捉蟲。原來每個主菜都配飯，搞到要食兩碗飯加埋個炒粉，最後我地兩條友都食哂。雞肉青咖哩既咖哩汁真係一流，充滿椰汁香氣又夠辣，仲有好多蔬菜做配菜（仲用埋泰國茄子），完全唔似出面D泰國餐廳HEA整，非常好食。炒馬拉盞就係正常菜色，另外個蛋包炒金邊粉亦好好食，我邊食仲邊同同事分享，早輪係外面食到既炒金邊好似用大量茄汁炒咁，茄汁呼蓋過佢本身應有味記。呢到既炒金邊真係做得好出色，個蛋亦有花臣整成網狀，又幾IGABLE。

最後食完飯想飲個野，唔知有冇睇錯，呢到水應該收$8蚊，所以都係叫個野飲抵D。叫左杯MANGO MANGO既沙冰，有位哥仔即席係BAR台整比我，又唔覺意發意佢BAR台都裝修得幾靚。可惜今日一陣仲要返工，無得慢慢嘆杯野，飲完都要急急腳埋單走人。雖然唔小心食多左又食貴左，不過下次想食泰菜都會諗到呢間，絕對會有下次。