Video
Read full review
2019-07-03
3397 views
有時約朋友出街食飯但大家嘅口味都好唔同，所以每次揀親餐廳都非常頭痕。嚟到西環呢間主打多國菜的餐廳，大家可以一次過試到唔同國家嘅特色餸菜，總有一款岩你口味。室內裝修以簡潔的工業風為主，半開放式廚房可以睇到廚師整野食同調酒。餐廳座位唔多，位置寛闊坐得舒適。📍尼一個泊爾香辣雞腎 $38雞腎爽脆有咬口，醬料用左多種唔同香料，食落非常惹味。空口食有點咸，如果配埋白飯撈汁食就一流。📍鴨胸香橙沙律 $62沙律菜加左黑醋汁調味，但醋汁味道比較突出所以蓋過左本身應有嘅橙香，鴨胸肉質軟腍，不過不失。📍阿根廷香草醬牛側腹配燒牛油果及粒粒甜粟 $198牛側腹煎完之後中間仍然帶有漂亮的粉色，肉質帶嚼勁，牛味雖然唔算好濃但勝在牛肉唔鞋口而且肉汁多，容易入口。配菜也花了不少心機去烹調，粟米甜甜地好香牛油味，牛油果亦都煮得軟腍。📍火灸芝士肉醬意粉 $98芝士同肉醬的份量好多，上枱已經聞到好香嘅芝士味。意粉的軟硬程度剛剛好，叉起嘅時候唔會太腍太易斷開。📍安娜的鮮果蛋白塔 $48最後叫左甜品做總結，蛋白脆脆本身比較甜，但夾埋面頭酸酸地嘅莓果同淡忌廉剛剛好，感覺清新唔膩口。餐廳整體質素唔錯，菜色選擇多，價錢合理而且當晚晚餐
室內裝修以簡潔的工業風為主，半開放式廚房可以睇到廚師整野食同調酒。餐廳座位唔多，位置寛闊坐得舒適。
📍尼一個泊爾香辣雞腎 $38
雞腎爽脆有咬口，醬料用左多種唔同香料，食落非常惹味。空口食有點咸，如果配埋白飯撈汁食就一流。
📍鴨胸香橙沙律 $62
沙律菜加左黑醋汁調味，但醋汁味道比較突出所以蓋過左本身應有嘅橙香，鴨胸肉質軟腍，不過不失。
📍阿根廷香草醬牛側腹配燒牛油果及粒粒甜粟 $198
牛側腹煎完之後中間仍然帶有漂亮的粉色，肉質帶嚼勁，牛味雖然唔算好濃但勝在牛肉唔鞋口而且肉汁多，容易入口。配菜也花了不少心機去烹調，粟米甜甜地好香牛油味，牛油果亦都煮得軟腍。
📍火灸芝士肉醬意粉 $98
芝士同肉醬的份量好多，上枱已經聞到好香嘅芝士味。意粉的軟硬程度剛剛好，叉起嘅時候唔會太腍太易斷開。
📍安娜的鮮果蛋白塔 $48
最後叫左甜品做總結，蛋白脆脆本身比較甜，但夾埋面頭酸酸地嘅莓果同淡忌廉剛剛好，感覺清新唔膩口。
餐廳整體質素唔錯，菜色選擇多，價錢合理而且當晚晚餐唔使加一，值得再試。
Post
