Video
Read full review
2017-11-11
489 views
係西環住左20幾年，終於可以食到爆汁既生煎包啦！小店岩岩開左都係一星期左右，成日見到有人排隊，希望Keep住個質素呀！一盒四粒生煎包$26蚊，比起出面D鋪頭便少少。但最重要既係味道！粒粒生煎包都好重手呀，襯熱食先！估唔到一粒生煎包入面，竟然包含左幾種唔同既口感。除左大家預期中既爆汁效果同埋底部脆身既口感之外，我都幾欣賞佢表面鬆軟既中式包點口感。如果成個生煎包都係勁多油都煎到脆卜卜就冇驚喜，但係佢呢個半煎焗既方式，比我可以欣賞到包點本身鬆軟既口感，都算有驚喜！大家最留心既一定係入面夠唔夠多汁。信我，真係好多汁！而且肉味好香，香味比起我係香港其他鋪頭同埋上海食既更加特別同上癮。加上肉料食落夠新鮮冇雪藏味，呢種地區小店真係要支持下，先可以比佢信心Keep住做落去！
$26
126 views
0 likes
0 comments
一盒四粒生煎包$26蚊，比起出面D鋪頭便少少。但最重要既係味道！
粒粒生煎包都好重手呀，襯熱食先！
估唔到一粒生煎包入面，竟然包含左幾種唔同既口感。除左大家預期中既爆汁效果同埋底部脆身既口感之外，我都幾欣賞佢表面鬆軟既中式包點口感。
如果成個生煎包都係勁多油都煎到脆卜卜就冇驚喜，但係佢呢個半煎焗既方式，比我可以欣賞到包點本身鬆軟既口感，都算有驚喜！
大家最留心既一定係入面夠唔夠多汁。信我，真係好多汁！而且肉味好香，香味比起我係香港其他鋪頭同埋上海食既更加特別同上癮。加上肉料食落夠新鮮冇雪藏味，呢種地區小店真係要支持下，先可以比佢信心Keep住做落去！
Post
