Sueno (Closed)

係銅鑼灣太多人唔想又搵食咩野，行行下同肥仔行左去灣仔，見到間西班牙小店幾吸引，所以入去食下！都幾企理，因為都９點，所以唔太多人。睇下menu先。scallop tartare, serve with yuzu vinegar and nori crisp $148好新鮮嫩滑。牛牛他他就食得多，由帶子整成的他他就夠哂特別。啖啖的帶子夾住脆紫菜食，又鮮又有口感。grilled octopus $118八爪魚好爽口，面頭有一片好鮮甜的紅椒，中間係八爪魚，底部有薯蓉，一啖食落去好香。Argentina ribeye $198一定要推介!肥仔好中2食。首先肉眼好大塊，medium的熟度，煎得剛剛好。肉味好香濃，有嚼口而且勁juicy，仲有煎過的配菜和脆薯件，好豐富。一定要加番杯ｂｅｅｒ la。咁岩西班牙小食又小小地,可以share食多幾樣，樣樣野都幾有水準。