Video
Read full review
2023-11-17
36 views
餐廳：Attic Handmade Pasta (尖沙咀) 地址：尖沙咀金馬倫道33號The Cameron1樓101號舖 尖沙咀呢間開咗接近2年、一直都好想去食嘅新派fusion意大利菜餐廳🍴——Attic Handmade Pasta @attic.tst ，最為人熟悉嘅莫過於佢哋每日新鮮手工製造嘅意大利麵🤲 行入典雅堂皇、不失氣派嘅餐廳，經過門口嘅Coffee and Bar枱，轉個彎去到長方形嘅dining area，高樓底同別緻嘅裝修，棗紅色牆身加上水晶燈嘅配搭✨，喺燈光中散發出一絲浪漫嘅氛圍💕。坐低冇耐點咗兩個晚市套餐，其中必食一定喺餐廳最近新出嘅signature西班牙紅蝦意粉套餐🍝。隔咗陣店員送上餐包，分別有蕃茄包、法包同燕麥包🥯，香脆熱辣辣喺啱啱烘烤出嚟嘅麵包香😋 原價$618嘅西班牙紅蝦套餐🦐，依家優惠價488就食到😍，先嚟前菜「西班牙紅蝦他他·茴香慕斯」同「火炙西班牙紅蝦，法國茴香酒忌廉汁」。前者底層喺一個茴香奶凍，中間有用咗法國茴香酒同牛油醃製嘅紅蝦他他刺身，面頭喺用紅蝦汁整成嘅爆珠，三重唔同口感同鮮蝦滋味，配搭新奇有創意👍；後者喺火炙原隻西班牙紅蝦🔥，燒到半生
地址：尖沙咀金馬倫道33號The Cameron1樓101號舖
尖沙咀呢間開咗接近2年、一直都好想去食嘅新派fusion意大利菜餐廳🍴——Attic Handmade Pasta @attic.tst ，最為人熟悉嘅莫過於佢哋每日新鮮手工製造嘅意大利麵🤲
行入典雅堂皇、不失氣派嘅餐廳，經過門口嘅Coffee and Bar枱，
轉個彎去到長方形嘅dining area，高樓底同別緻嘅裝修，
棗紅色牆身加上水晶燈嘅配搭✨，喺燈光中散發出一絲浪漫嘅氛圍💕。坐低冇耐點咗兩個晚市套餐，其中必食一定喺餐廳最近新出嘅signature西班牙紅蝦意粉套餐🍝。
隔咗陣店員送上餐包，分別有蕃茄包、法包同燕麥包🥯，
香脆熱辣辣喺啱啱烘烤出嚟嘅麵包香😋 原價$618嘅西班牙紅蝦套餐🦐，依家優惠價488就食到😍，先嚟前菜「西班牙紅蝦他他·茴香慕斯」同「火炙西班牙紅蝦，法國茴香酒忌廉汁」。
前者底層喺一個茴香奶凍，中間有用咗法國茴香酒同牛油醃製嘅紅蝦他他刺身，
面頭喺用紅蝦汁整成嘅爆珠，三重唔同口感同鮮蝦滋味，配搭新奇有創意👍；
後者喺火炙原隻西班牙紅蝦🔥，燒到半生熟，更加突顯被譽為世界上最好食嘅紅寶石紅蝦嘅鮮香味濃😎，
配埋蝦頭汁同法式醬料混合而成嘅自家製醬汁令紅蝦鮮味更上一層樓 
之後嘅自家製南瓜忌廉湯，當中7-8成都喺南瓜蓉🎃，
另外加咗忌廉、香草🌿、麵包糠，濃郁嘅南瓜香同陣陣忌廉香迎嚟奶滑稠綿口感，喺我飲過咁多南瓜忌廉湯當中比較出色嘅😌 
跟住就到招牌西班牙紅蝦手打扁意粉，
大廚用咗紅蝦、龍蝦🦞、海鮮汁同各式香料烹調意粉嘅醬汁，鮮香味難以抵擋，喺一般蝦嘅10倍濃郁鮮味🤩，
加上Al dente有彈性得嚟又有韌度咬口嘅手工扁意粉，嚟到點都要試一次🤓 另一個$488嘅3-Course晚餐，前菜揀咗「香煎法國鵝肝·日式醬油潰溏心蛋黃多士·醋潰青提子·青蘋果蓉」，主菜就揀咗「西班牙黑毛豬梅頭·芥末香蒜醬·黑蒜榛子慕斯」。
香煎鵝肝配上加咗芥末籽嘅蘋果蓉，兩者一齊放入口中和咗油膩感，
另外兩塊香脆多士搽上意大利軟芝士🧀、法蔥同檸檬汁🍋，配埋日本醬油漬溏心蛋，咁樣嘅配搭真喺第一次見，開胃又好食，賣相仲好精緻😻；
西班牙伊比利亞黑毛豬梅頭🐷，肥瘦均勻，緊緻得嚟融和埋一齊，
每啖食落都有半肥瘦嘅肉同脂肪口感，豚脂香味非常出色🤤，
配上芥末籽醬或者黑蒜牛油慕斯同乾麵包碎一齊食，
突出橡果香味亦大大減少肥膩感覺 
甜品有意式伯爵奶凍，同用半價$39加多咗個意式提拉米蘇。
充滿伯爵茶香味、一啲都唔膩嘅滑溜奶凍，訂位嗰陣提早註明慶祝節日仲會喺甜品碟上面寫埋字✍️，超級靚🥰；
Tiramisu以可可同Mascapone cheese嘅香味為主，
酒香唔會好出完全啱晒我嘅口味🤪
Post
