El Cerdo (大壩街) (Closed)

星期日晚上，一行四人相約去食西班牙菜。我同另外兩個朋友係第1次食呢間～所以點菜就交左比已經食過1次既個位朋友身上喇！一共叫左8樣野～火腿拼盤 — 一盤有兩款，兩款都好食香煎沙甸魚配西班牙杏仁醬 — 煎得幾香，朋友覺得好好食，我自己就麻麻地喇脆皮豬腩肉配蜂蜜蛋黃醬 — 有少少似平時食既燒肉，皮脆肉嫩，加埋個醬食就變左西班牙風味傳統蕃茄醬煮肉丸 —  一碟4粒，肉丸口感不錯的，不過食落就有一點過咸了傳統西班牙海鮮炒飯 — 唔係西班牙燴飯，而係用平時食既米去炒既飯，加上青口、魷魚等海鮮，味道可以，但比想像中還是爭少少些利酒臘肉腸煮青口 — 細細隻既青口，食落不太新鮮，有一種怪味。除左青口，入面仲有好多臘肉腸，臘肉腸幾好食。西班牙焦糖燉蛋 — 做得好食過出面唔少既甜品店，焦糖燒得香脆，燉蛋似乎有一點檸檬味，令到食落去唔會覺得太飽濟既感覺香脆玉桂條配朱古力榛子醬 — 我大愛呢個甜品，脆脆的玉桂條加埋佢個榛子醬好夾好好食總括：我個人認為主菜個類食物就一般喇，但甜品我就相當推介！