LAVA Bar & Restaurant (Closed)

LAVA 主打西班牙tapas，仲有多款手工啤酒，同朋友吹下水又一晚！酒吧飲品選擇多樣化，有手工啤酒、紅、白酒、威士忌等等......當然仲有多款cocktail朋友揀左一隻帶柑橘味嘅麥啤，飲落有淡淡雲呢拿香，幾易入口。慢煮牛腩千層腐皮手工包是這裡的得意之作牛腩slow cook後再撕成絲，肉質軟嫩鬆化，咬落好juicy手工包咬落煙韌帶點甜味，質感有少少似刈包，夾住薄脆腐皮同醃過嘅酸洋蔥，層次豐富。鵝肝金莎85%黑朱古力亦是創新之作。將鵝肝mousse慢煮，入面包住榛子，外層沾上黑朱古力同榛子碎，最後包威化紙，造型同金莎 好似！外香脆內幼滑，鵝肝味道非常濃郁，果然玩味十足！吃西班牙菜當然不少得西班牙海鮮飯！海鮮有章魚、蝦、蜆，全都鮮甜爽脆，加埋辣肉腸夠惹味飯煮得粒粒分明但口感偏腍，食落好重蝦嘅甜味，份量頗大，適合3至4人分享。