熾工房 (Closed)

係我舊公司附近嘅一間炸雞店，相當正🤭🤭🤭今次真係要推介畀大家！💬 滋味脆雞套餐雖然炸雞好多地方都有得食，不過炸得岩岩好，炸完好嫩滑嘅，真係唔多，仲要係雞腿同上脾都好滑，真係好吸引😋；加上佢嘅煙燻燒烤醬同埋茄汁，煙燻燒烤醬帶bb級辣度，酸酸甜甜咁好惹味，仲可以選擇配薯條或者粟米，想食健康少少都得🤣不過我當然會揀薯條啦，新鮮香脆，薯條口感就軟硬都有👍回頭食: ⓨⓔⓢ💬 招牌蘑菇飯套餐濃濃忌廉蘑菇醬汁加上單骨雞翼，雞翼脆身幾好味，同忌廉汁意外地夾😋，但有點食完唔夠喉嘅感覺🤭🤭 欣賞佢嘅蘑菇汁有滿滿嘅蘑菇，非常足料！回頭食: ⓨⓔⓢ總結一下，地點方面港鐵出閘都需要行5-10分鐘，不過我係港島銅鑼灣搭23號巴士，港大東閘落車都算近；而食物方面，係食得出佢哋行快餐風格而不失用心；服務方面就自助形式喇🤭；見佢增設咗甜品，有巴斯克芝士蛋糕添🤔當日有焦糖口味呀下次要試下先得！！！！學生仲有優惠添架！！！好多港大學生嚟食🤣💛熾工房💛西環高街111號地舖💛2866 0080/2866 3080▂﹍▂﹍▂﹍▂﹍▂﹍▂﹍▂﹍▂@hamm.eat.alotʕ⁠っ⁠•⁠ᴥ⁠•⁠ʔ⁠っ