Heart in Place (Closed)

好多時我地都將時間排到密密麻麻，好少將啲時間留比自己~ Heart in Place 係一間位於西環嘅cafe，店主希望黎呢到嘅客人都可以享受獨處嘅時光~ 環境佈置簡約、舒適，可以比客人一個既愉快又放鬆嘅用餐體驗~🥰✅比利時列日窩夫係佢地嘅招牌菜，窩夫加入咗珍珠糖而且係自家製嘅，外層邊邊脆身而窩夫入面軟糯；抹茶味道嘅窩夫亦都好香濃美味~ 呢個可以話係我食過最好食嘅窩夫之一！🤩✅蕃茄虎蝦扁意粉面頭放咗三隻虎蝦，睇落擺盤都擺得幾唔錯~ 扁意粉配上開胃嘅蕃茄醬汁；而虎蝦係開邊咗嘅，所以啲蝦肉都好容易拆到落黎~🤗✅特濃抹茶拿鐵面頭嘅拉花好靚，勁好打卡；而呢杯matcha latte 好香濃，入面好香嘅抹茶味，但飲落又唔會覺得苦澀~😋