Just Eat (Closed)

番黎大學時期出沒嘅西營盤，行到正街扶手電梯英華台，從前呢度有間超多人排隊嘅台灣菜，宜家變成越南菜。呢度播住歐美流行曲，店員都係年輕人。蕃茄濃湯海鮮檬蕃茄個湯底質感感覺好有澱粉感。蕃茄嘅酸甜味道未算好突出，比較似米線茄湯，多過茶記茄湯。入面有2隻蝦，仲有啲魷魚圈。濃味牛湯浸水切牛河牛肉算幾多，脂肪唔多所以肉質較結實，牛湯味有驚喜！好濃！河粉係幼身嘅，口感就係水彈嘅感覺。麥皮牛油雞翼有三隻，每隻都幾大隻，外面脆身，入面嫩滑，幾惹味架～調味係有啲帶少辣嘅胡椒粉加牛油，當然唔少得麥皮碎。