Pan da Cafe

Open Now

Now Closed

平時好少入西貢，上個禮拜約左個朋友試車就入西貢遊車河食下午餐，佢話有間小店啲cake好食，飲品都唔錯，店主仲有好多我偶像哥哥嘅收藏品。其實我地午餐都未食，就先嚟一份德國腸拼蒜蓉鬆餅下午茶餐，配一杯凍latte同凍mocha，個鬆餅好香蒜蓉味，脆脆地好香口，兩杯凍咖啡水準都好味，咖啡與奶味濃郁。由於我地無食lunch其實都有啲餓，就每人再叫一件cake，我叫左最愛嘅tiramisu，朋友就叫左件巴斯克蛋糕。朋友係整飯高手，佢一試就知龍與鳳，tiramisu酒香加軟滑芝士口感極好，巴士克蛋糕奶香味濃厚，散發微微焦糖味，十分軟滑。店主相信係哥哥同danny嘅粉絲，店裏有佢地嘅簽名黑膠碟，同埋佢哋一啲罕有嘅收藏品，食嘢之餘可以緬懷一下昔日巨星嘅風彩。