Video
Read full review
2021-05-07
208 views
放假同屋企人遊車河🚙遊下遊下去到西貢，好好彩搵到個錶位✌🏻即刻落車搵食！市場街有好幾間餐廳/cafe，間間個感覺都好舒服，見到呢間個餐牌都幾吸引一於試試先🤩陽光午餐$168包哂前菜、主菜、甜品同餐飲，前菜我地試哂兩款😝三文魚卷青瓜睇落好似細細舊，但塊煙三文魚幾都大塊幾厚🤤藜麥旦沙律份量都唔少，最鍾意咬落去個口感，原來蛋沙律撈藜麥個味都幾夾，兩款前菜都用玻璃雪糕杯裝住，打卡影相一流😆主菜我地揀左蟹肉意粉同黑松露磨菇意粉，意粉分量都算多，蟹肉成個小山丘堆左喺意粉上面😋😋意粉個汁淡淡地，再加上少少黑椒，唔會蓋過哂蟹肉嘅味！黑松露磨菇意粉就香濃好多，勁多磨菇！兩碟意粉都有沙律伴碟，最欣賞佢個沙律汁，餐廳自己調製酸酸甜甜好清新，岩哂熱辣辣夏天食😆😆甜品包一件自選蛋糕同雪糕，平時出街食飯d甜品通常定左係咩，又或者最多比兩三款你揀，呢度嘅自由度就大好多喇！凍櫃有成十款蛋糕🍰真係花多眼亂😍最後我地揀左特濃朱古力蛋糕同芒果芝士蛋糕😋😋朱古力蛋糕名副其名，真係好重朱古力味，食到停唔到口🤫芒果芝士蛋糕就清新d，食得出落重芝士🤤估唔到一間小店嘅蛋糕都可以咁出色！！雪糕方面可以揀朱古力或者雲呢拿味，要讚嘅係雲呢
市場街有好幾間餐廳/cafe，間間個感覺都好舒服，見到呢間個餐牌都幾吸引一於試試先🤩
陽光午餐$168
包哂前菜、主菜、甜品同餐飲，前菜我地試哂兩款😝三文魚卷青瓜睇落好似細細舊，但塊煙三文魚幾都大塊幾厚🤤藜麥旦沙律份量都唔少，最鍾意咬落去個口感，原來蛋沙律撈藜麥個味都幾夾，兩款前菜都用玻璃雪糕杯裝住，打卡影相一流😆
主菜我地揀左蟹肉意粉同黑松露磨菇意粉，意粉分量都算多，蟹肉成個小山丘堆左喺意粉上面😋😋意粉個汁淡淡地，再加上少少黑椒，唔會蓋過哂蟹肉嘅味！黑松露磨菇意粉就香濃好多，勁多磨菇！兩碟意粉都有沙律伴碟，最欣賞佢個沙律汁，餐廳自己調製酸酸甜甜好清新，岩哂熱辣辣夏天食😆😆
甜品包一件自選蛋糕同雪糕，平時出街食飯d甜品通常定左係咩，又或者最多比兩三款你揀，呢度嘅自由度就大好多喇！凍櫃有成十款蛋糕🍰真係花多眼亂😍
最後我地揀左特濃朱古力蛋糕同芒果芝士蛋糕😋😋朱古力蛋糕名副其名，真係好重朱古力味，食到停唔到口🤫芒果芝士蛋糕就清新d，食得出落重芝士🤤估唔到一間小店嘅蛋糕都可以咁出色！！雪糕方面可以揀朱古力或者雲呢拿味，要讚嘅係雲呢拿雪糕，係用真正嘅雲呢拿籽整，個味同落雲呢拿油整嘅好唔同👍🏻👍🏻
餐飲我地揀左熱Americano同加錢半價要左杯Dirty😍雖然兩杯咖啡都係用同一款佢哋自己調配嘅咖啡豆，但飲落個味道就好唔同😋Dirty打卡一流，不過記住要快快打完卡就好飲返啖喇，如果唔係咖啡沉左底個味就唔同左架喇！
呢間小店整體感覺好舒服，店內裝飾好靚，店員都好nice，露天位置有兩張檯，好天嘅時間可以坐低曬下太陽！鍾意慢活生活嘅人一定要黎chill下🥰
Post
