Video
Read full review
2020-06-09
61 views
今日同閨蜜入咗嚟西貢遊車河，食素嘅佢話喺萬宜遊樂場嗰個好 chill 嘅圈圈度開咗間 fushion 嘅素食餐廳，橫惦我呢輪正積極減肥，素食呢個提議無得頂。餐廳裝潢走簡約路線，以淺木色同埋白色為主調，場內過半都係外籍人士，感覺騷豪。素魚塊羅望子醬沙律，先嚟嘅係呢一個啱啱由待應小姐推介嘅 off menu 沙律，首先塊素魚真係令我好喜出望外，廚師將呢塊素魚炸得金黃酥脆，內層嘅素魚肉幾可亂真，配合住沙律椰菜同蘿蔔絲爽脆嘅口感同羅望子醬嘅酸味，非常開胃。MOMOS，煎餃外皮軟嫩，有別於一般煎餃可以界爆嘴角嘅邊邊，2084呢度嘅煎餃入口好軟熟，煎餃嘅餡料有素肉碎、芫茜、椰菜同蘿蔔，內餡口感超爽，隨附嘅係一個印式風味嘅醬汁，口感有少少似豆蓉，入口有好多印式香料同埋薄荷葉嘅香味。PEKING TACOS 北京填菌，脆皮嘅北京卷上面嘅係酥炸蠔菇，新鮮炸起香氣撲鼻，蠔菇嘅口感果真同北京填鴨有幾分相似，加埋夾喺中間嘅青瓜、海鮮醬同面頭嘅香葱絲，唔擘大眼真係以為自己食緊嘅係真正嘅北京填鴨，好犀利。CARROT CAKE，同行嘅閨蜜本身唔鐘意食紅蘿蔔，起初對呢個 Carrot cake 都相當抗拒，不過佢試
餐廳裝潢走簡約路線，以淺木色同埋白色為主調，場內過半都係外籍人士，感覺騷豪。
素魚塊羅望子醬沙律，先嚟嘅係呢一個啱啱由待應小姐推介嘅 off menu 沙律，首先塊素魚真係令我好喜出望外，廚師將呢塊素魚炸得金黃酥脆，內層嘅素魚肉幾可亂真，配合住沙律椰菜同蘿蔔絲爽脆嘅口感同羅望子醬嘅酸味，非常開胃。
MOMOS，煎餃外皮軟嫩，有別於一般煎餃可以界爆嘴角嘅邊邊，2084呢度嘅煎餃入口好軟熟，煎餃嘅餡料有素肉碎、芫茜、椰菜同蘿蔔，內餡口感超爽，隨附嘅係一個印式風味嘅醬汁，口感有少少似豆蓉，入口有好多印式香料同埋薄荷葉嘅香味。
PEKING TACOS 北京填菌，脆皮嘅北京卷上面嘅係酥炸蠔菇，新鮮炸起香氣撲鼻，蠔菇嘅口感果真同北京填鴨有幾分相似，加埋夾喺中間嘅青瓜、海鮮醬同面頭嘅香葱絲，唔擘大眼真係以為自己食緊嘅係真正嘅北京填鴨，好犀利。
CARROT CAKE，同行嘅閨蜜本身唔鐘意食紅蘿蔔，起初對呢個 Carrot cake 都相當抗拒，不過佢試咗一啖之後就停唔到口，呢份喺英國同加拿大幾乎每間 coffee shop 都必賣嘅甜點，佢雖然係紅蘿蔔做嘅蛋糕，但係並沒有半點紅蘿蔔嘅草味，紅蘿蔔本身嘅糖分轉化，默默咁貢獻於蛋糕之中，角色低調到，唔話個蛋糕主要成份係紅蘿蔔，都無人會聯想到有一丁點嘅紅蘿蔔存在。
Post
