Video
Read full review
2023-05-06
386 views
以為西貢得Cafe、小食同埋海鮮酒樓？原來仲有呢間隱世墨西哥菜🌮個名好搞笑，叫「無問題」食物款式超多，有加勒比烤串燒、多款漢堡包、墨西哥taco/ quesadilla/ nachos/ burrito/ chimichanga等全部望落好吸引惹味🤤▶️ 牙買加烤雞胸漢堡 Jerk chicken sandwich ($138)漢堡包size巨型🍔大過快餐店嗰啲，入面放上大大塊厚身雞胸、涼拌高椰菜 (coleslaw) 同沙律醬涼拌高椰菜用上紫椰菜，加入大量沙律醬，味道甜甜地而唔酸雞胸肉手板咁大🖐🏻烤得好好，完全唔鞋，肉質軟嫩，足夠補充蛋白質💪🏻漢堡包軟身，面頭有白芝麻粒，炙烤過所以邊邊位微脆，好彩冇落牛油，因為本身已經好多醬汁有啲可惜係底部麵包俾大量嘅沙律醬浸濕左😢整體如果少返沙律醬就好啦另外可以自選兩款配菜，揀咗田園沙律同炸番薯條番薯條幼身，炸得好香脆，上面灑上鹽，唔太食到番薯香甜味🍟🥗田園沙律幾好，唔係就咁一堆生菜葉而係切碎左嘅，另外加入紫洋蔥、車厘茄同輕量沙律醬▶️ 加勒比雞肉串Caribbean jerk chicken skewers ($158)兩串長長嘅雞肉串，旁邊有用香料
個名好搞笑，叫「無問題」
食物款式超多，有加勒比烤串燒、多款漢堡包、墨西哥taco/ quesadilla/ nachos/ burrito/ chimichanga等
全部望落好吸引惹味🤤
▶️ 牙買加烤雞胸漢堡 Jerk chicken sandwich ($138)
漢堡包size巨型🍔大過快餐店嗰啲，入面放上大大塊厚身雞胸、涼拌高椰菜 (coleslaw) 同沙律醬
涼拌高椰菜用上紫椰菜，加入大量沙律醬，味道甜甜地而唔酸
雞胸肉手板咁大🖐🏻烤得好好，完全唔鞋，肉質軟嫩，足夠補充蛋白質💪🏻
漢堡包軟身，面頭有白芝麻粒，炙烤過所以邊邊位微脆，好彩冇落牛油，因為本身已經好多醬汁
有啲可惜係底部麵包俾大量嘅沙律醬浸濕左😢整體如果少返沙律醬就好啦
另外可以自選兩款配菜，揀咗田園沙律同炸番薯條
番薯條幼身，炸得好香脆，上面灑上鹽，唔太食到番薯香甜味🍟
🥗田園沙律幾好，唔係就咁一堆生菜葉而係切碎左嘅，另外加入紫洋蔥、車厘茄同輕量沙律醬
牙買加烤雞胸漢堡 Jerk chicken sandwich
$138
21 views
0 likes
0 comments
▶️ 加勒比雞肉串Caribbean jerk chicken skewers ($158)
兩串長長嘅雞肉串，旁邊有用香料醃過嘅飯同沙律
米飯好香香料味，會食到少少辣辣地🤏🏻入面仲有啲紅豆粒 (食落唔覺)
覺得佢米飯偏濕軟，味道上淡咗少少，如果似炒飯質地粒粒分明會好食啲
加勒比雞肉串Caribbean jerk chicken skewers
$158
28 views
0 likes
0 comments
雞肉串啲雞肉大大嚿🐔用上雞髀肉所以比起上面嘅雞胸肉會比較多油脂，肉質再嫩滑多汁啲
烤得唔錯，有少少炭燒味道，但係覺得可以再濃味啲
(Jerk seasoning= 多香果粉+ 蘇格蘭煙燻辣椒+ 丁香、肉桂、蔥、肉豆蔻、百里香、大蒜和鹽，總之就係好多香料😂)
▶️ 手撕豬肉芝士餡餅 Pork carnitas quesadilla ($138)
足足有9款餡料揀🤯手撕豬肉係必試
🐷手撕豬肉絲到一條條，肉質似肉鬆，充滿肉汁，非常可口
另外配埋濃味而不太油膩嘅芝士🧀 夠惹味，鍾意食濃味應該好鍾意呢個
捲餅軟身帶啲煙靭，烤到微脆而唔硬
旁邊仲有酸忌廉同牛油果醬可以點
呢個係三款入邊最有墨西哥風味嘅一個🌮幾推介大家試吓
另外可考慮試佢哋嘅巨型脆餅卷餅，呢個係最新出嘅，比較新穎特別，睇佢哋IG張相好吸引👀
手撕豬肉芝士餡餅 Pork carnitas quesadilla
$138
34 views
0 likes
0 comments
▶️ 杯子紅茶菌Kuppa kombucha ($58)
有氣飲品，但冇酒精，完全無加糖，屬健康飲品
飲落有啲果味，去到尾段帶少少苦
▶️ Sapporo Lager ($48)
-
食物好唔錯👍🏻醬汁調味係墨西哥菜嘅精粹，呢度拿捏得唔錯，感覺味道好正宗🇲🇽所有肉類烤得好好，全部鮮嫩多汁🤤
鍾意佢環境好chill，望住海景，猶如去咗外國，唔怪得大部份嚟嘅客人都係外國人
佢嘅位置比較隱蔽，係起啲海鮮酒家中間嘅，好處係寧靜啲，唔會比閑雜人事經過打擾
因為有室外座位所以仲可以帶狗狗🐶個侍應對狗狗好好，主動話要為零食俾佢哋食又同佢哋玩
性價比OK，冇收服務費平均$150/人，要提及係佢啲份量真係好大好足，一人一個一定飽！
黎開西貢想食靚啲，不妨試試呢間墨西哥菜！
Post
