Video
Read full review
2023-04-05
172 views
眺望無敵沙灘兼海景，伴隨微微海風與浪聲，食餐飯都特別有feel。從西貢碼頭步行約10分鐘，即可到達香港嘅世外桃源，享用隱世高水準泰國菜。———❝ 泰式椰青海鮮焗飯 | $168焗飯份量絕不吝嗇，而且每顆飯粒沾滿椰汁，咬落每啖都充滿椰香。椰肉切成絲融入飯裏，焗過更加清甜有咬口。另外亦有鮮蝦、蠔、魷魚等大量海鮮，口感味道皆豐富。評分：7.5/10———❝ 椰香黃咖哩（雞）| $148咖哩味道非常濃郁，微辣當中帶椰漿香甜，味道柔和，容易入口。怕辣人士表示好鍾意‼️當中雞肉份量十足，隨便𢳂一羹都會撈到大大塊雞肉😍美中不足係雞肉略嫌嚡口，薯仔過於軟腍，應該係烹煮時間過長。評分：6.5/10———❝ 烤薄餅 | $38薄餅表面烤至微焦帶脆，沾上辛香十足嘅黃咖哩，完美配搭冇得輸🥳評分：7/10———❝ 雙球雪糕 | $58揀咗荔枝、熱情果兩款。前者清甜，後者酸甜。簡單淋上雜莓醬汁，味道更添一份層次，不過設計擺盤可更有心思。評分：6.5/10———❝ 奇異果沙冰 | $68沙冰超級大杯！味道酸中帶甜，夠fresh又解渴✨飲落味道清甜真實，細滑沙冰與果肉完美結合，應該係用新鮮奇異果打出嚟😚評分：7.5/1
從西貢碼頭步行約10分鐘，即可到達香港嘅世外桃源，享用隱世高水準泰國菜。
———
❝ 泰式椰青海鮮焗飯 | $168
焗飯份量絕不吝嗇，而且每顆飯粒沾滿椰汁，咬落每啖都充滿椰香。
椰肉切成絲融入飯裏，焗過更加清甜有咬口。
另外亦有鮮蝦、蠔、魷魚等大量海鮮，口感味道皆豐富。
評分：7.5/10
———
❝ 椰香黃咖哩（雞）| $148
咖哩味道非常濃郁，微辣當中帶椰漿香甜，味道柔和，容易入口。怕辣人士表示好鍾意‼️
當中雞肉份量十足，隨便𢳂一羹都會撈到大大塊雞肉😍
美中不足係雞肉略嫌嚡口，薯仔過於軟腍，應該係烹煮時間過長。
評分：6.5/10
———
❝ 烤薄餅 | $38
薄餅表面烤至微焦帶脆，沾上辛香十足嘅黃咖哩，完美配搭冇得輸🥳
評分：7/10
———
❝ 雙球雪糕 | $58
揀咗荔枝、熱情果兩款。前者清甜，後者酸甜。
簡單淋上雜莓醬汁，味道更添一份層次，不過設計擺盤可更有心思。
評分：6.5/10
———
❝ 奇異果沙冰 | $68
沙冰超級大杯！味道酸中帶甜，夠fresh又解渴✨
飲落味道清甜真實，細滑沙冰與果肉完美結合，應該係用新鮮奇異果打出嚟😚
評分：7.5/10
———
❝ 椰青 | $58
椰青清甜解渴，椰肉爽嫩。泰國菜配椰青是常識吧🥳
評分：7/10
———
泰道 @thaidao.saikung
📍餐廳地址：
西貢大網仔路沙下村9號地舖
Post
