泰屋泰國餐廳

Open Now

Now Closed

西貢，唔係淨係得海鮮食，傳聞仲有好多好野食今晚獨留左老婆在家，車左阿爸阿媽入西貢食飯！我地食泰國菜！6點幾黎到，都要等半個鐘先入到！好多人呢！餐廳入面唔太大，可能多人，感覺上有點迫。馬拉盞炒通菜落油太多，可能通菜不是時候，菜好老不爽口，但馬拉盞味重，咸咸的好惹味！青咖哩雞用黎送飯食一流喎！我覺得青咖哩汁唔太辣，仲好香口同嫩滑，咖哩味夠雞都係雞胸多，肉少骨多，雞肉質地嫩滑，這個冰鮮雞不錯呀我地配埋薄餅一齊食，薄餅熱熱地，煙煙unun，好香口！泰式生蝦一向覺得泰國菜既生蝦同日本壽司嗰啲蝦差唔多，但爸爸鍾意食，就叫比爸爸試下。生蝦有6隻，碟底有乾冰保持溫度，蝦肉爽口唔霉，凍凍地都幾好食。重點當然在於個辣醬，好似Wasabi咁，點兩點一齊食好好味！炸魚餅 同樣地落油太多，食完都成口油，但魚味豐富又鮮，唔知老闆用左咩魚呢？每塊魚餅都炸到金黃色，賣相幾靚的。