甜源居

Open Now

Now Closed

前排過嚟西貢玩下，無意中發現呢間甜品店嘅甜品又幾好食😋。朱古力沙冰🍧作為朱古力🍫控，每次見到朱古力嘅甜品總會忍唔住點，呢杯沙冰真係超正，個賣相同味道成正比，味道又唔會過甜，仲食到濃郁嘅朱古力味，夏天食真係消暑又解渴。芒果河粉🍜第一次食芒果河粉嘅甜品，真係幾特別😍，個樣雖然好似河粉，但係係唔係我哋平時食開嗰啲澱粉質嘅河粉，佢係用椰汁蒟蒻製成嘅粉，口感好軟滑，再加埋啲芒果汁，好滿足呀！招牌楊枝甘露🥭呢碗楊枝甘露真係不得了，超級足料！芒果一啲都唔酸好鮮甜，再加上大量柚子同西米，真係越食越開胃。