炳記西餐館

Open Now

Now Closed

炳記西餐館，根本就是茶餐廳格局，服務同食物都係茶記feel。叫自己做西餐館，相信目的只有一個，就係可以收加一。名叫西餐館，其實亦有中式食品賣，今次到來，我要一份石斑拼雞翼的鐵板餐，對方就要菠蘿京都骨套餐。我的套餐有湯，選了忌廉湯，不過太稀，味道麻麻；餐飽反而較好，是熱騰騰的。不久，鐵板便端上來，侍應叫我用紙巾遮住，就把蒜茸汁倒下去。"茶茶"聲的嚮聲，訌明鐵板的溫度足，這聲音也叫人滿足。鐵板餐的份量幾大，兩塊石斑和三只雞中翼，一定夠飽。石斑的味道一般，肉質亦不嫩，肯定是質素好一般的雪藏貨；雞翼要好一些，起碼是外皮脆又多肉，加上蒜茸汁唔會差得去邊。問及京都骨如何，應屬中等水準吧！餐飲要熱檸茶，是燙口的，好耐未飲過即沖又夠熱的檸茶了！總括而言，食物可以，但要加一就有點不妥。