漢堡博士 (Closed)

路經屯門，特登過嚟試下。點知一入去點餐，個收銀女人已經黑口黑面，問佢跟餐同唔跟餐有咩分別，已經好悔氣，講多半句都唔願。坐低左，天氣又熱，想叫佢先上一罐罐裝可樂，唔想等到餐齊先上，換黎嘅係再黑面，加“嘭”一聲大力將罐可樂放喺收銀枱上，呢種係咩待客之道？等左十分鐘野食黎，咬落去牛肉爛叭叭，完全冇咬口同肉味，雖然生菜同蕃茄尚算新鮮但都救唔番一個差劣嘅漢堡。如果你想花錢去接受一啲唔合理嘅惡劣服務同食一啲漢堡形狀嘅食乜，我概極力推介你試下。