新桂香燒臘

Open Now

Now Closed

今日有點事情去柴灣處理。大約下晝4點9路過。係差不多無野賣，亦無人排隊。有個大叔路過，問係咪5點有野出，有個阿姐話係。轉頭就有一條十幾人既隊係後面。好彩我戇居居企咗喺門口，阿姐問我係咪買野。我即刻答：「唔該半隻燒鵝，半斤义燒，外賣。」阿姐就叫我排頭位。燒鵝合格，皮脆，唔算太肥。义燒，最初見掛係度果啲好瘦。我膽粗粗話要肥义。斬义燒個師傅話肥义真係好肥 ga，你係咪要半肥瘦，我梗係話好。义燒係燒得靚，真係半肥瘦。題外話：見有幾位大叔堂食义燒飯，啲义燒個樣睇落好瘦，我估外賣一斤斤買有靚野機會比較高。當然，佢價錢同同區比唔算平。