色彩泰國菜

Open Now

Now Closed

星期五晚決定星期六去食， 心想大家都會返大陸消費，所以就冇訂檯。而對於一個住港島嘅人， 真係完全唔識路， 所以都係搭的士去， 估唔到就連司機哥哥都唔識， 哈 （下次有人搭的士記得話係新田7-11落）去到， 果然係唔多人， 但篤篤車包廂就已經full booking, 問過老闆都話要等都會等好耐下。咁冇計， 坐低用手機點野食， 我分3樣嘢黎評分。1. 食物： 好食， 我唔係什麼食評家， 但哩度野食係好食， 炒嘅火候亦夠， 除左蟹肉奄列食唔到蟹肉味之外。2. 環境： 其實坐得幾舒服，環境亦都不錯， 但可能室內冇窗嘅關係，啲聲困住晒喺裏面， 其他枱嘅人講嘢就好應聲， 啱啱我隔籬嗰台有個女人坐正喺我隔籬，就嘈到我同女朋友都唔想講嘢，仲要後面有一台男人都係好嘈。3. 服務： 其實大部份人服務態度都唔錯，只係個別有啲職員態度真係比較差，回答你都係比較晦氣 + 求其。