燒烤堂 (Closed)

收工特登入黃埔食晚飯本身唔係想食呢間，不過人地連淨賣雞翼未夠9點都可以賣晒🙄唯有轉場行過見到呢間都幾吸引，既然有分店應該試得過點咗大約10款嘢，10分鐘後先話有幾樣sold out等咗45分鐘，仍然只得兩枝啤酒到咗見廚房上菜速度咁慢，唯有加定其他嘢食誰不知第一轉order 嘅嘢食仲有幾樣嘢都sold out!!大佬呀！你會唔會後知後覺咗啲呀！叫住侍應姐姐check 埋第二張單，連蒜蓉包同幾樣嘢都sold out....隔離枱對情侶等咗成個鐘啲嘢都未嚟齊，最後忍唔住cancel 未嚟嘅嘢叫埋單！一間半夜2點先收舖嘅食肆，未夠9點已經有超過1/4食物賣晒，仲有咩好講說實在嘢食質素唔係差，不過你自問有耐性等先好嚟食。唔好意思，等到無晒心機影食物相。好失望嘅一次體驗。