Milu Thai มิลู่ไทย (百樂中心)

Open Now

Now Closed

呢間泰國餐廳係我隔冇耐就會想食嘅一間餐廳，非常掛住佢嘅火山排骨。火山排骨（$198）係一道睇得又食得既菜，佢上枱好巨型，完全係可以相機食先。影完相個排骨都仲係出緊煙🔥，好鬼正。排骨佢鮮嫩多肉，一啲都唔鞋，點埋佢啲汁嚟食，簡直係令人回味無窮🤤🤤🤤。火焰燒雞（$198）係一道可以表演嘅菜，店員上菜前會問我哋使唔使影相，等我哋ready嘅時候佢就會點火，隻雞就開始被火燒啦🔥🔥。識落嘅感覺有少少似酒樓嘅炸子雞但係冇咁油膩，佢啲肉質真係非常之鮮嫩，完全唔鞋。檸檬肉碎明爐烏頭（$178）佢條魚就煮得有小小過，有d梅。但佢個湯頭好好，好鮮甜，條魚都唔腥，仲有d小肉丸，係好正既，推薦大家試下條魚👍👍。蟹肉煎蛋（$68）佢比起以上果三味菜呢講就顯得普通左d，但都好食😋，佢蛋煎得好脆😆，食落好香口😍😍。炭燒豬頸肉（$88）佢啲豬頸肉一啲都唔肥膩，又大大份，點醬食，好鬼正，平時怕豬頸肉肥而唔識嘅人可以試一試。