博多拉麵別天神 (Closed)

2020年第一日返工要對自己好啲，所以就去咗食博多拉麵別天神，佢嘅拉麵真係好正宗好似去咗日本食嘅一樣，門口係用自動販賣機買券，再交俾店員會自動送上拉麵同小食，同日本一模一樣嘅係有自助冰水同冰麥茶，我冰麥茶好好飲，我叫咗別天神套餐，有一碗叉燒拉麵同埋四隻餃子，碗麵好大碗食完勁飽，湯底奶白色好濃豬骨味，另外有原隻糖心蛋非常之正，叉燒方面係有在每一片再燒過嘅有個濃濃的焦香味，麵質爽口彈牙，另外餃子係椰菜豬肉餃子，正宗日本餃子嘅味道，無可挑剔！店舖最特別嘅係座位頂層有一排Temple紙巾俾客人使用，其實都相當揼本👍🏻