友記甜品 (Closed)

食完飯，今日試吓呢間甜品舖！佢未改裝修之前其實係賣好多舊式甜品嘅，後尾可能見隔離間小樽越來越多人食，佢又裝修過仲一樣請啲美眉返嚟做侍應，真係好似多咗生意，我哋今晚就叫咗： 碧波山：其實係榴槤布甸加薄荷水晶粉，榴槤布甸唔太香，而且質感較削，同九龍城梗係冇得比，水晶粉係有薄荷味，冇欺場，但唔夠煙靱，面頭騎呢整嚿忌廉，成個甜品嘅甜味好單一，仲有出水嘅情形，唔得！ 榴槤飄香：一樣唔得，榴槤唔靚，肉硬而味怪，有冇試過先比客食架？ 最搞笑係整咗啲柚子肉上去，但係味道係唔夾嘅，又酸又怪又出水！ 好難先吞咗佢落肚!我記得舊時食都冇咁差，而家革新咗仲衰過以前，搞食店要客食過番轉頭嘅重點應該係食物而唔係靚女侍應呀！而家好似多咗生意，但係始終會比食客嫌棄，有番自己嘅風格總好過跟人哋走！