雲南桂林過橋米線 (Closed)

7月4日, 夜晚喺銅鑼灣食飯, 自從上次喺旺角食過之後, 好耐都冇食過呢間, 佢地嘅雲南米線都算正宗, 欣賞佢地有涼/熱拌, 大熱天時食好開胃~::: 腩肉酸辣米線 ::: $24最鍾意佢地嘅香料味十足, 芫茜, 芽菜, 酸菜重料不馬虎, 令到湯底好香~ 腩肉本身好淋, 加上有少少辣, 刺激味蕾, 腩肉亦比其他普遍料來得特別~ 米線軟硬度適中, 整體成碗都感覺良好~::: 雞翼熱拌米線 ::: $24熱拌米線其實都唔會話太熱, 暖暖地啦~ 除咗雞翼之外, 拌米線嘅基本配料都十分足~ 有齊酸菜, 肉碎同花生. 雖然係要咗走辣, 不過肉碎一定係有dd辣嘅, ok啦. 酸菜味道好, 酸得黎又爽, 花生都好脆! 米線有米香, 而且真係好煙韌!! 好味~ 反而拼嘅雞翼就一般而已.::: 通菜 ::: $10通菜令立立,可見油都落咗唔少~ 腐乳味都ok, 有d辣椒絲不過冇辣味~ 菜呢就食到底有少部份黃’禁禁’唔新鮮…::: 凍檸茶 ::: $7跟餐$7一杯, 尚算大杯, 檸味茶味ok, 合格~雲南米線已成為我地近期嘅至愛, 天氣熱時食個拌米線真係幾舒服, 又開胃~ 呢度環境都幾好, 卡位都算寬廣,