麒藝館 (Closed)

約了重要客人食飯，要搵一個環境唔太差但價錢又唔好太貴的地方，記得上次來銅鑼灣食過此餐廳無論服務同食物都唔錯，所以便帶個客來食。呢度裝修格調高級又有品味，周圍都係水墨畫，啲水墨畫好似仲係大廚的作品。之前的商務午餐好似取消了，好在做緊另一個推廣，超值孖寶，性價比真係高。$68便有一個原隻鮑魚花膠撻及一碟飽汁花膠撈飯。為了不失禮，另加點一隻原隻鮑魚花膠摓（$48），飽魚餵的好入味，飽魚亦炆得好淋，摓底鬆脆，軟硬口感一齊食。即燒無花果天下第一豬仍然有水準，皮脆肉嫩，最難得是無花果醬，令豬肉食落更有層次，鹹中有甜由帶甘香。日山和牛紅菜頭煎包其實有少少辣，餡料應該是黑椒和牛，包面煎得乾身又有少少脆。飽汁花膠撈飯的花膠都幾多，飽汁好香濃又唔會太鹹，撈飯一流。迷你花膠糯米雞水準都合格。