錦麗 (創紀之城五期(apm))

Open Now

Now Closed

香港地但凡商場新食店開張，例必現人龍。今日我都嚟排返陣隊，試試佢哋嘅越南生牛肉粉。生牛肉未見出色，有啲牛羶味但係牛肉味唔突出，湯底清淡，河粉中規中矩。牛丸爽彈，確係不同於急凍貨，可惜某一粒都係有啲牛羶味，牛肉味唔突出。一碗粉只搭配一杯份量極少嘅菜，而且以芽菜為主。相對於响越南大把大把任食嘅金不換，顯得小器。等咗成40分鐘先炸起嘅雞翼，望落好多蒜香牛油，但係蒜味同牛油味都好淡，咬落疑似未腌夠，雞肉冇乜味。成碟雞翼就只得「鬆脆」二字。足料唔錯，清爽涼浸浸，又唔會太甜。薑味恰到好處，冇泥味，薏米味濃郁。埋單自己拎單出去櫃面畀錢。附上餐牌方便大家參考。