GANTO GELATO

Open Now

Now Closed

觀塘開咗一間人氣嘅Gelato店，由以前喺成業工業大廈，搬咗去觀塘碼頭附近嘅地舖。舖頭除咗常規有嘅六種味道之外，每個月都會轉新嘅口味，保持新鮮感，而一月嘅主題係賀年食品。住喺附近嘅我每一次都係買一盒家庭裝($180)返去食，大大盒，性價比極高。今次我哋選擇咗三隻冷門啲嘅味道，分別係大米、冰糖葫蘆同埋鹹蛋黃桃酥。大米味雪糕充滿着米香，食食吓會有一粒一粒嘅糯米咬下，口感多元😌冰糖葫蘆味嘅雪糕面頭有一塊塊嘅糖霜，咬落去脆脆地，食落去都好清，食到陣陣嘅番石榴味🤣最有驚喜嘅係鹹蛋黃桃酥，好少食到鹹味嘅雪糕，鹹蛋味好濃郁，好似真係食緊蛋黃酥咁😛期待下個月嘅新味道😇