上海一品香菜館

Open Now

Now Closed

住官塘區有咁上下年份的人，都應該試過官廣的一品香，以街坊價錢食到比酒樓更出色的上海菜。每逢人多時，放枱的情景更是壯觀。所以就算工廠區多咗幾多新食店，佢嘅生意仍然依舊。回鍋肉，每次嚟一品香必點之菜，呢道嘅回鍋肉一直都比出現一啲酒樓好食好多。最出色之處係鍋氣夠，醬汁調味。不過呢度啲水準都唔係次次咁穩定，時多菜，時多肉，仲有時濃時淡，真係要睇你運數。雞絲粉皮，青瓜絲、雞肉絲、粉皮搭上涼拌醬時，各自的份量是得重要的，缺一不可。今次呢一碟就好出色，冇得批評。南翔小籠包，幾乎每個人食上海菜必叫的，皮的薄度還可以，因為太薄會易穿，而且中國人為了飽肚，所以上海小籠包的外皮一定比台灣的厚。而包內的肉汁不算太多，可以為了大家的健康，選用了瘦一點的豬肉做餡料。酸辣湯，幾本上每兩次，都會叫一次，酸辣的調味出色，不會太出位，而且內裡的用粉超足，一啲都冇偷工減料，而且兩餸一湯餐，都俾你大大大碗。