麵屋丸京

Open Now

Now Closed

京丸其實已經黎過好多次啦，水準一直keep住，所以間唔時想食拉麵既時候都會黎。今次我自己就叫左最普通既豚骨拉麵清湯底，友人就叫左極上拉麵柚子胡椒湯底。豚骨拉麵清湯底 $78有3塊叉燒、一隻溏心蛋、同幾條荀。首先要讚一讚個湯底好夠熱！（食拉麵個湯夠熱係首要條件！）湯底唔係厚個種湯但味道都夠濃，香而不膩。拉麵質地偏硬，岩哂唔鐘意淋身拉麵既我。叉燒係薄片叉燒，十分嫩滑。溏心蛋亦好出色，蛋黃流心，半熟質感做得岩岩好。極上拉麵柚子胡椒湯底 $93 （柚子湯底+$5）呢款總共6塊叉燒，其他野基本上係一樣。湯底既柚子胡椒味好出，胡椒味有啲啲辣，食落幾過癮。香蔥沙律炸雞 $42即叫即炸，小心燙口。外皮炸得好香脆，入面既雞肉香嫩多汁。沙律醬帶微微既辣味，令成個配搭更加惹味。