Bella Shine (Closed)

出觀塘逛逛大商場，仲有駱駝漆小店，lunch time搵嘢食。樓上工廈食店《Bella Shine》平日會有semi buffet，任食沙律吧、餐湯、甜品新鮮水菓，最喜歡有superfood羽衣甘藍，好有益又健康嘅新鮮蔬菜。阿女揀咗個烏冬我食漢堡，主菜揀自己喜歡，有海膽炒韓式年糕、黑松露意粉、豬扒定食、雞扒漢堡等等。日式叉燒拼煙鴨胸豬骨湯烏冬~大大件日式叉燒，仲有幾件鴨胸，湯底做得唔錯，烏冬都夠爽口。美式BBQ醬烤雞扒漢堡~賣相好靚，食落美味，採用黑麵包更有特式，韓式醬汁雞扒大大件，薯條新鮮炸起，小心燙口。甜品-泡芙&芝士餅~食飽飽，加兩件甜品叫杯咖啡，一樂也。