丼瀛 (Closed)

呢間觀塘嘅日本餐廳搬咗去新地方🇯🇵，地方更大，環境更靚，重點係夠黄💛，我同朋友特意放工過嚟食。雖然位於一個唔太起眼嘅位置，但去到已經座無虛席👨‍👩‍👧‍👦。 🍱大蔥黑豚肉 $28 🧈明太子醬玉子燒 $26 🍙天龍卷（四件） $98 🌮碎蔥吞拿魚腩海膽卷（四件） $78 🍨築地壽司杯 $188 🍘忌廉蟹肉薯餅（兩件） $36 呢幾款都好好味，造型都獨具風格，幾啱打卡。我哋覺得玉子燒係最滋味，蛋味香濃。薯餅入面啲蟹肉軟綿綿好正😋。 壽司杯其實都係壽司，不過舊飯用杯裝，份量大啲。一set有厚切三文魚腩、吞拿魚蔥花腩、黃金墨魚、松葉蟹、赤牡丹蝦、海膽，十分豐富😃。 至於天龍卷其實係炸大蝦配赤燒三文魚加魚籽壽司卷🍤，唔好睇佢即係得四件，都幾有份量又惹味。份量啱啱好，總計兩個人都係$499算抵食👌。 牆上貼上文宣，門口仲有即日蘋果日報🍎，而且擺滿好多不同類型嘅文宣擺設，poster同post card，黄得實至名歸。 最正係佢有幾個大電視播着唔同嘅抗爭歌🎼，包括Do You Hear the People Sing以及願榮光歸香港，仲有唔同嘅version，出動埋古箏、大提琴等樂器🎻。