Be Leaf (Closed)

終於又到Happy Friday！好姊妹話想黎呢間位於觀塘嘅靚靚打卡餐廳 — Be Leaf食飯，好彩book到，一於要食飽！傾飽！今晚有少少落雨，無得坐室外位置，呢個位平時經過會有好多客人帶住狗仔黎食嫁！不過室內嘅裝修都好浪漫優雅，木系主色調令人舒服，另外仲有好多打卡位比客人慢慢影，包括藤椅、花花拱門等等。溫泉蛋露筍伴西班牙黑豚火腿沙律（$88）蘆筍、蕃茄、芝麻菜配上滑溜温泉蛋同黑豚火腿嘅鹹香，強烈推薦！香煎虎蝦意式蕃茄芝士意大利飯（$148）份量都幾大，蕃茄味好香濃，有兩大隻虎蝦，仲配埋蕃茄水牛芝士，將starter同main course完美融合。香煎慢煮西班牙伊比利亞 配蜜桃牛油果莎莎（$288）一道好精緻又美味嘅料理，豬鞍表皮煎到焦香，入面軟腍多汁，配上粒粒香甜蜜桃同熟牛油果，易入口亦令黑豚鞍味道更加濃郁！Strawbery Avocado Smoothie（$52）係一杯好特別嘅smoothie，士多啤梨同牛油果嘅味比較淡，但感覺幾健康。Grapefruit Summer（$46）睇得又飲得嘅打卡飲品，紫藍色嘅蝶豆花配上粉橙嘅西柚汁，入口微酸，飲落好清爽！見到呢度嘅甜品都好