Coti (鴻圖道)

Open Now

Now Closed

今日同朋友黎到觀塘聚下，之前朋友有介紹呢一間係觀塘工業區嘅一間精品咖啡店。好簡單咁叫左兩個輕食。全日早餐 (炒蛋、麵包、沙律、茄汁豆、哈蜜瓜、煙三文魚、雞扒）$74賣相好吸引，個哈密瓜係其中一個驚喜位，同埋雞扒好juicy好嫩滑。All day breakfast 黎黎去去都係果幾款，不過呢一個賣相比起其他又靚好多，味道都幾唔錯，重要抵食！田園藜麥雜菜沙律 配 香煎雞扒 $74藜麥一黎好飽肚，二黎又健康，再加上果幾塊好juicy嘅雞扒，沙律fresh得黎又好食。天然蜂蜜咖啡 $48好特別一杯咖啡，蜜糖味好香，但又唔係死甜嘅一個味道。最好就係蜜糖同奶都可以自己想加幾多就幾多，建議大家唔加飲一啖咖啡先，再加小小蜜糖，慢慢感受下個分別。鮮忌廉朱古力 $42朱古力味濃，好滿足，加埋cream邪惡到一個點。Overall黎講雖然觀塘工業區呢個地理位置比較遠小小，但係個價錢抵食又且野食又靚又好食，簡約木色系嘅環境又好舒服，真係坐成日都得。