Coti (鴻圖道)

Open Now

Now Closed

觀塘嘅商業區，我好少去約咗個客去飲咖啡，直接喺佢公司樓下呢度地方大概三四張，木系先講唔好嘅地方，佢啲枱比較黐立立，唔覺意摸到嘅話會好唔舒服，裝修都係簡約為主未有機會試佢嘅cake 因為食到好飽，嗌咗一杯Ice latte 個人覺得口感麻麻，唔夠香滑，而且奶嘅口感過咗龍，我朋友叫咗一杯，熱嘅latte ，拉花都唔錯比較之下好飲過凍latte ，奶泡比例好d都唔算多人，就算我哋坐咗一個鐘，都冇人等位不過下次我有機會會試其他cafe

這咖啡室縮在一隅，營做出遠離市區的紛圍。不失閒來一聚，打发時間。這間以咖啡類飲品為主打，或者人手的考慮，食物選擇較少。個人認為一間店的成功，不外乎價錢 、食物質素或和服務。此店食物的價錢和質素尚合理，但服務態度就談不上（或者个别人仕）。這處是自助式，在櫃台下單，付賬，回座位等叫號，再取食物。在非繁忙時間，還只有一、兩位顧客時候，遇著某位下單的服務員時，可以扳起面孔，希望不是這裏的文化，总當你是熟習它所有程序般招待，實有待改善。

超級無敵非常之唔建議大家喺度食嘢，無論外賣定係堂食除非你係想俾錢受氣喺隔離staycation，諗住搵吓有咩嘢食，咁啱見到呢度有間日式嘢就試下。 見到人哋啲食評話個人態度差我都唔信，點知嚟到先發覺比想像中更惡劣一嚟嗌嘢食嗰陣時已經西口西面，之後問多兩句就不斷重複自己講嘅嘢，完全冇諗過解答。仲要勁唔耐煩，好似我殺咗佢父母咁非常之唔好受嘅一次點餐經歷。自問自己都算好禮貌，亦都有講唔該想嗌嘢，但係換黎嘅係唉唉聲想點

ℂ𝕠𝕥𝕚之前因為覺得座位安排比較差、上餐速度慢、職員態度不好而決定不想再去這cafe，但隔了一斷時間，又想再試試有沒有改善。今次職員和之前不同，態度好了。而且上餐比之前快了些，可能因為沒之前那麼多人。意粉不錯，不過雞肉份量很少。而用荳奶沖的熱latte的奶味不突出。我覺得咖啡的賣相和味道比以前差了。還有以前有件咖啡豆形狀的小蛋糕也沒有了。

外賣叫咗個雞扒藜麥沙律藜麥得幾粒都算雞扒三舊入面有2舊都完全唔熟講緊係 medium rare咁樣分分鐘另一舊我無為意食曬落肚嘅都係生雞肉作為餐廳最易煮同最易熟嘅肉類都搞到咁食唔食得過大家自己諗有幾多foodie/正評都冇用

睇到有人留言話呢間Coti嘅員工態度好差，尋日去食lunch, 原來態度真係好差，負責收錢嗰個唔知以為爭佢錢咁。其實如果咁唔想做可以唔做服務業嘅🙃嘢食咖啡正常。

5/7/2023半年熟客 今次真係忍唔住叫咗個堂食 收銀員工服務態度好唔專業某位戴眼鏡員工帶住好燥底嘅語氣落單 ‘’食咩呀想點比錢 野食未呀有等多陣 ‘’ 見到好多外賣客等都等到唔耐煩 咁樣唔係一間cafe應該有嘅嘢 然後上菜速度極慢 大約四十分鐘先上齊野食 仲要一句道歉都冇 其實見平時啲好友善嘅員工唔係度都心知不妙 不過都抱住50/50嘅心態試伏 但係點輸哂 我比呢啲價錢但係比呢啲服務質素我 我點解唔去食茶記 平時都鍾意叫啲朋友出嚟聚下傾下計 但以後還是不了

從點餐開始已經很沒禮貌，收銀的是短捲髮的男生，只是用手勢指一指餐牌和八達通機示意…..比茶餐廳伙記的態度更差。播流行曲不是問題，但太大聲，太到困擾的程度，像去了K房。一男一女員工聊天，也不是問題，但可以不用講粗口的。食物正常，但體驗是下下。

這是一間位於觀塘工廠區附近的餐廳，環境清靜，坐得都舒服，但店舖不算大，食物的質素佳， 份量也足夠，咖啡味道濃郁，價錢方面都算合理。兩三知己相聚，談天是一個幾好的選擇，值得推介！

收百幾蚊，俾咁樣既份量，開頭我以為外賣仔偷食左，打去問佢，佢答我係正常份量，因為成本上漲，所以係得一塊。就算係成本上漲都冇可能百幾蚊得一片仔牛肉呀？仲同我講因為係西冷，當我係傻既定點？連沙律菜都俾得咁少，有種俾人當水魚宰既感覺。之前食過好多次都唔係咁少，本身佢地錯單已經好多次，成日叫左蛋糕但又冇俾，本身我係熟客成日叫外賣，所以都由佢，但今次份量少成咁真係太誇張，我仲驚冤枉佢，特登打去問，結果再三確認下佢都係同我講係正常份量，好失望。

小店雖然座位不多，但勝在價錢合理，食物色香味俱全，Main course 飲品質素平均，實屬少見。香煎雞扒藜麥沙律 雞扒岀色！雞扒煎至外層香脆，但完全保留肉汁，肉質嫩滑，藜麥配上黑醋汁沙律菜，感覺清新，夏天吃非常開胃煙三文魚忌廉芝士貝果 貝果質地軟綿但有嚼勁，配上煙三文魚白^和cream cheese的咸香，口感層次豐富，令平凡的貝果，頓時變得不平凡。原條鰻魚炒滑蛋飯分量十足，以原條鰻魚加上半熟滑蛋，滑蛋火喉拿捏得恰好，蛋香嫩滑，鰻魚肉質肥美，鰻魚汁伴上珍珠飯米，滋味非常鮮忌廉朱古力口感順滑，朱古力味香濃，甜度適中，夏日降溫恩物抹茶鮮奶抹茶味不算十分香濃，不帶苦澀不過甜，感覺不厚重coti.hk 📍觀塘鴻圖道90號地舖

起初以為嘢食份量會好少，仲驚唔夠食。點知全部嘢食都好大份🤣🤣千祈唔好以為cafe嘅份量好少😏首先想講吓沙律🥗🥗落咗比較清新嘅柚子醋令到成個沙律食落去都好開胃，亦都令到啲菜好fresh🤩而雞扒亦都俾咗三舊，煎得幾香口好有肉汁亦都保留少少脆。平時覺得bagel好似又乾又硬所以都好少食🥶點知今日一試又覺得唔係，用左cream cheese令到bagel唔會乾，而cafe亦都整到好脆😚😚加上煙三文魚嘅鹹味中和到cream cheese嘅膩，令我對bagel都有改觀😍😍炒滑蛋啲蛋真係好滑，同時都炒到有啲杰身唔係好水汪汪個種，應該係個蛋黃本來都好濃🤤而鰻魚落左嘅醬汁唔算好多，更加可以食鰻魚本身嘅味道，值得一試！😌評分：8/10

今日同老友聚舊，約咗喺佢公司附近嗰間「Coti」食晏。餐廳主打輕食同咖啡，店內地方不大，原木裝潢配以簡單嘅乾花佈置，環境好 Chill，非常適合同朋友嚟食嘢傾偈。我哋點咗兩個 Set Lunch，另外再加咗個 Bagel，一於齊齊開心 Share。煙三文魚忌廉芝士貝果 ($64)  Bagel 煙韌紮實，柔彈帶嚼勁，煙三文魚鹹香油潤，加上柔軟嘅 cream cheese 同 清爽嘅沙律菜，口感超豐富，配搭咖啡一流。香煎雞扒藜麥沙律 ($78)  雞扒有三大塊，底面都煎至金黃色，賣相好靚仔，皮脆肉嫩又有肉汁，入口啖啖肉。沙律菜新鮮爽脆，加上纖維極高嘅藜麥同酸醋檸檬汁，好醒胃。原條鰻魚滑蛋飯 ($88)  鰻魚肉質好幼滑，豐腴肥美，加上原條上，視覺效果相當唔錯。雞蛋加入牛奶炒成，入口滑嫩又有蛋汁，配埋飽滿嘅珍珠米飯吃，味道一流！ 焦糖布甸咖啡 (+$24)  Cream brûlée 同咖啡配合得啱啱好，香醇順滑，creamy 得嚟又帶咖啡香，好易入口。

[ Coti ]放假想搵個地方輕鬆下，去咗呢間位於觀塘Cafe，地方唔算大，但勝在夠清靜😺。✿ 香煎雞扒藜麥沙律🥗 $78沙律菜份量多，雞扒切成4件，肉質嫩滑，再加上藜麥，好健康。✿ 煙三文魚忌廉芝士貝果🥯🥯 $64Bagel微微烘熱，份外脆口，配上煙三文魚同cream cheese 🧀，非常夾。✿ 原條鰻魚滑蛋飯 $112原條鰻魚好足料，仲有大量滑蛋，足夠2人份量。✿ 棉花糖朱古力🍫 $42朱古力甜度剛好，加入棉花糖，香氣撲鼻😌✿ 玫瑰鮮奶咖啡 $42淡淡玫瑰味🌹非常香，用鮮奶沖製而成，整杯咖啡味道甜甜的🥰。總結🫦寧靜休閒好去處，適合過來坐低飲杯咖啡，食下野放鬆下😬😬。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Coti地址: 觀塘鴻圖道90號地舖電話: 31060601✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

【觀塘】Coti 鴻圖道90工廈地舖嘅一間小型文青cafe，以木系裝修及乾花佈置，座位唔多，大概十幾個，不過環境好warm。☺️飲品Menu幾吸引，有特色咖啡同花茶，揀咗好耐先揀到飲咩😆。收銀隔離有個甜品櫃，見到Tiramisu好大杯，好正咁喎！😳Order咗：✨污糟朱古力咖啡✨鮮奶咖啡Dirty Chocolate好夠污糟！打卡一流啊😆！朱古力味濃郁，有黑朱古力碎同朱古力醬，搶咗少少咖啡味，不過又咁啱啱晒我今日口味，想飲重朱味。🤣✨ 原條鰻魚炒滑蛋飯鰻魚配炒滑蛋永遠係無得輸嘅組合，滑蛋夠滑賣相吸引，而且比想像中大份，性價比好高。👍🏻✨ 香煎雞扒藜麥沙律同樣都係好大份嘅，沙律菜混合多種菜款，有誠意！雞扒煎得夠嫩，調味剛好，啱晒on diet 嘅朋友仔。😁✨ 煙三文魚忌廉芝士貝果聽聞貝果係港女不二之選，貝果口感煙韌，煙三文魚新鮮，夾住少少忌廉芝士及沙律菜，口味清新，總括來講係一個精神嘅早餐。😎👉🏻 吧枱位有配置插蘇，附近返工嘅朋友可以帶埋部電腦嚟邊食邊做，或者外賣自取又得有8折優惠。😉✨Coti 📍觀塘鴻圖道90號地舖