Video
Read full review
2015-07-17
2016 views
一直都想試下被人稱為白飯殺手的韓式醬油蟹，所以提早左四日就打左去火星料理到book。 火星料理位於觀塘工廠區，地理位置唔算太難搵，但預係地地鐵站出左之後都要行番五至十分鐘左右。內部既裝修係好似分左幾個apartment咁既，一個個廳咁坐。唔好處就係如果隔離燒烤緊，會有d油煙味飄過黎，所以解決既辦法就係自己都燒埋一份XD 或者叫老闆安排一下個坐位。老闆係正宗韓國人，唔識講廣東話，都識少少普通話同英文，所以溝通上都無乜問題。而且都會有其他店員係試講廣東話既。食韓國菜，餐前既小菜一定唔少得。有六款，食完侍應或者老闆會主動幫你refill。最鐘意係薯仔芽菜同菠菜，少少酸酸地，好開胃。醬油蟹(唔記得左幾多錢)我地三個人share左叫左一隻醬油蟹，會配一碗白飯。有睇韓劇既都會知，醬油蟹既精采之處就係要將白飯撈落蟹蓋都食，連埋d蟹膏同埋汁一齊食，終於明白點解會被稱為白飯殺手，因為太香口太好味，係真係會食唔停。蟹膏既油香，加埋特別醬料既咸香，一個蟹蓋食兩碗白飯都好正常。至於其他蟹肉方面，都好新鮮好滑。三個人share一隻好似就黎要打架咁濟XD韓式紫菜包飯 $35純粹太肚餓叫住d野下食。但估唔到$35有
一直都想試下被人稱為白飯殺手的韓式醬油蟹，所以提早左四日就打左去火星料理到book。 火星料理位於觀塘工廠區，地理位置唔算太難搵，但預係地地鐵站出左之後都要行番五至十分鐘左右。
內部既裝修係好似分左幾個apartment咁既，一個個廳咁坐。唔好處就係如果隔離燒烤緊，會有d油煙味飄過黎，所以解決既辦法就係自己都燒埋一份XD 或者叫老闆安排一下個坐位。老闆係正宗韓國人，唔識講廣東話，都識少少普通話同英文，所以溝通上都無乜問題。而且都會有其他店員係試講廣東話既。
食韓國菜，餐前既小菜一定唔少得。有六款，食完侍應或者老闆會主動幫你refill。最鐘意係薯仔芽菜同菠菜，少少酸酸地，好開胃。
醬油蟹(唔記得左幾多錢)我地三個人share左叫左一隻醬油蟹，會配一碗白飯。有睇韓劇既都會知，醬油蟹既精采之處就係要將白飯撈落蟹蓋都食，連埋d蟹膏同埋汁一齊食，終於明白點解會被稱為白飯殺手，因為太香口太好味，係真係會食唔停。蟹膏既油香，加埋特別醬料既咸香，一個蟹蓋食兩碗白飯都好正常。至於其他蟹肉方面，都好新鮮好滑。三個人share一隻好似就黎要打架咁濟XD
韓式紫菜包飯 $35純粹太肚餓叫住d野下食。但估唔到$35有咁大碟。而且好足料，抵食推介。
人蔘雞鍋 $260一大煲人蔘雞，有成隻雞，人蔘，蔬菜，雜菇，粉絲，三四個人share再散叫其他都得。雞肉好嫩滑，連平時最"鞋"既雞胸都唔會有種好柴既感覺，而且雞肉係個種用舌頭頂一頂就骨肉分離既程度，唔錯。 粉絲同其他配菜既分量都好多，一定食得飽。湯頭都幾清甜，有種蔬菜同菇既清甜，唔會話太咸，食完都唔會話要即刻飲好多水。
唯一美中不足既地方就係人蔘味唔夠重，雖然會見到一大條人蔘係湯入面，唔飲落真係無乜人蔘味。之前去韓國食人蔘雞湯，會有一樽人參酒一齊上，可以比食客係食之前按自己需要加落去，呢間就無。不過整體黎講，都算唔錯。
烤泡菜五花肉 $130又一韓劇迷必食之算，老闆會幫你搞掂晒，所以唔洗驚唔識燒或者燒太耐定點。 老闆會首先燒左五花肉既一邊，然後差唔多既時候鋪泡菜係面，等d泡菜汁流晒落d肉度，但d香味更出。最後係將泡菜包住件五花肉一齊食，泡菜既酸辣甜加上五花肉，真係超級好食。而且呢個餐度耐d五花肉切得比較薄身。咬落唔會太柴。推介!
烤照燒汁大蝦 $130同五花肉一樣，都係老闆會幫手搞掂晒，懶人精選XD 開邊大蝦燒到半熟既時候，老闆就會淋d獨門照燒汁，食落會有少少辣辣地，好惹味。蝦都好新鮮，又大隻，d肉完全唔會霉霉爛爛，而係比較爽口彈牙既。
姜米水少少姜味，米味都幾香，淡淡地唔太甜，食完燒烤呢d重味野清一清個口都唔錯。
一個人最係埋單大概$250左右，係一個幾適合一大班人一齊食飯傾下計既地方。食物既質素都唔錯!
Post
