Video
Read full review
2021-09-12
179 views
屋企人生日，揀左去呢間餐廳慶祝。一聽到私房菜，感覺就係價錢比較貴、裝潢高尚堂煌，不過今次呢間設於工廈嘅私房菜，無論價格同裝潢都係比較平民貼地一啲，但食物質素亦認真唔錯，用料上乘。環境亦非常寧靜，用餐當晚目測全場只有唔夠十張枱，就算坐滿晒客人，空間都仍然非常寬敞，好適合一家大細嚟開餐😋.訂咗位之後，店員會預先透過Whatsapp聯絡，將菜單發俾我，方便預先點餐以及先繳付訂金 ($200/位)。而當晚我哋一家7口用餐，所以我就揀咗個6人餐加多一位。.👉 前菜：- 本地水耕沙律菜伴芝麻醬- 雙色墨魚仔- 茶燻流心蛋伴黑魚子醬配厚切茄子擺盤好精緻，而且味道好清新，特別係沙律菜非常之鮮甜！.👉 原盅位上時令燉湯：- 哈蜜瓜螺頭黑毛豚肉湯- 川貝陳皮海底椰鱷魚肉湯兩款湯都好好味，唔會太咸冇好強嘅味精味道，而且非常足料，同埋因為係原盅燉嘅，所以每位都可以自己揀選唔同嘅款式。值得一提，個湯嘅保温效果驚人！由於冬甩妹條脷抵受唔到好高溫度，所以飲湯速度較慢，飲咗接近半個鐘，個湯都仲係微熱！.👉 主菜：澳洲皇帝蝦王 (金流黃沙獻) 外層金流黃沙非常出色！屋企人連蝦殼都食埋😆 隻蝦都好新鮮好好味，雖然都頗大隻
.
訂咗位之後，店員會預先透過Whatsapp聯絡，將菜單發俾我，方便預先點餐以及先繳付訂金 ($200/位)。而當晚我哋一家7口用餐，所以我就揀咗個6人餐加多一位。
.
前菜
11 views
0 likes
0 comments
👉 前菜：
- 本地水耕沙律菜伴芝麻醬
- 雙色墨魚仔
- 茶燻流心蛋伴黑魚子醬配厚切茄子
擺盤好精緻，而且味道好清新，特別係沙律菜非常之鮮甜！
.
原盅位上時令燉湯
3 views
0 likes
0 comments
👉 原盅位上時令燉湯：
- 哈蜜瓜螺頭黑毛豚肉湯
- 川貝陳皮海底椰鱷魚肉湯
兩款湯都好好味，唔會太咸冇好強嘅味精味道，而且非常足料，同埋因為係原盅燉嘅，所以每位都可以自己揀選唔同嘅款式。值得一提，個湯嘅保温效果驚人！由於冬甩妹條脷抵受唔到好高溫度，所以飲湯速度較慢，飲咗接近半個鐘，個湯都仲係微熱！
.
澳洲皇帝蝦王 (金流黃沙獻)
10 views
0 likes
0 comments
👉 主菜：澳洲皇帝蝦王 (金流黃沙獻)
外層金流黃沙非常出色！屋企人連蝦殼都食埋😆 隻蝦都好新鮮好好味，雖然都頗大隻，不過每人得一隻感覺有啲唔夠喉，另一可惜之處係，伴碟嘅薯蓉比較遜色，薯仔味唔濃亦冇奶香，完全唔好食。
.
清蒸生猛沙巴龍躉斑
9 views
0 likes
0 comments
👉 清蒸生猛沙巴龍躉斑
龍躉斑就比較普通，無咩特別，不過條魚都好肥美、好新鮮。
.
士多啤梨黑豚肉排骨
72 views
0 likes
0 comments
👉 士多啤梨黑豚肉排骨
士多啤梨味酸酸甜甜，幾好味，而且黑豚肉排骨肉質好嫩滑，推介👍 不過伴碟嘅米通一啲都唔脆而且完全無味，有點可惜。
.
奶油日本小南瓜麵包盒
111 views
0 likes
0 comments
👉 奶油日本小南瓜麵包盒
可能食到呢一味菜，大家已經有7成飽，呢個時候再來一個咁飽肚嘅麵包，感覺有點太膩。另外，對於本身都幾鐘意食南瓜嘅冬甩妹黎講，呢款日本小南瓜唔係我杯茶，可能小南瓜用咗黎煮汁嘅關係，令到味道略為變淡咗啲，而且南瓜醬汁同個麵包亦唔係好夾。
.
招牌茶王燻雞
88 views
0 likes
0 comments
👉 招牌茶王燻雞
雞肉非常嫩滑，連雞胸位置都完全唔「鞋」，相信燻煮時間需要非常準確，先可以保持到肉質如此嫩滑多汁。而且雞皮烘烤得極之香脆，唔錯唔錯！
.
有機時令鮮蔬 (魚湯)
18 views
0 likes
0 comments
👉 有機時令鮮蔬 (魚湯)
.
他鄉炒米絲 (24個月西班牙黑毛豬火腿配福建蒲田米粉)
26 views
0 likes
0 comments
👉 他鄉炒米絲 (24個月西班牙黑毛豬火腿配福建蒲田米粉)
冬甩妹本身未食過蒲田米粉，原來好好味架！米粉呈超幼絲狀，而且炒得非常乾身，再配上黑毛豬火腿絲，別有一番風味😋 而且份量都好多，最後仲打包咗留返第二日食。(第二日返熱都仲係好好味！)
.
甜品：福元爆漿芝麻湯圓
18 views
0 likes
0 comments
👉 甜品：福元爆漿芝麻湯圓
呢個真心好好味！冬甩妹本身都好鐘意食芝麻湯圓，今次呢個芝麻湯圓近乎完美。有流心效果，而且餡料好幼滑，冇任何過大嘅顆粒，口感一流👍 而且外層好薄、芝麻餡夠多、甜度亦都非常適中，用如此高質嘅甜品作為呢一餐嘅結尾，實在係太滿足啦！😇
.
👉總結：
💲人均消費約$400/位
總括而言，呢間餐廳好適合家庭聚會/多人聚會，特別係慶祝生日，因為餐廳唔收切餅費。而食物味道亦不過不失，個別有幾道菜係特別出色的👍 比較少食私房菜嘅朋友值得來試一試。
.
👉注意事項：
最低消費每位$380 (未包加一)
付現金可免茶芥$15/位
自攜酒水，頭兩支免收費
無切餅費
Post
