きっとかつ Kitto Katsu

Open Now

Now Closed

觀塘樓上舖有好多特色餐廳，今日搵到成運工業大廈3樓嘅Kitto Katsu，入門口就見到餐廳牆壁上繪畫咗一幅富士山畫作，充滿日本風情。餐廳地方唔算大，環境舒適，食物又吸引，而且價錢合理。是日餐湯係蜆肉忌廉湯好足料，味道香濃，入口順滑。千層吉列豚（芝士流心）配漢堡包跟薯條用豬腩片捲成一層一層嘅豚肉再炸，酥脆又有肉汁。漢堡包有番茄、芝士和生菜，再配蜜糖芥末醬，夾埋一齊食，真係令人回味。慢靈魂有濃郁嘅咖啡味加上香滑奶蓋，面層灑上可可粉，上面放有一塊Lotus餅，又唔會太甜，口感絕佳。一口翡翠千層吉列豚配秘製日式咖哩天使麵有6件豚肉包住翡翠苗做成卷狀，外皮炸到非常脆嫩。天使麵口感幼滑，放在濃郁嘅咖哩醬汁，特別好味。另外伴碟有沙律菜，食完清爽不膩。富士山賣相好靚，泡抹梳打加上海鹽奶泡，帶來淡淡清甜和少少鹹鹹地，飲落去有波子汽水嘅味道。炸物拼盤有雞翼、洋蔥圈、雞軟骨、薯條，全部都係即叫即炸，份量都唔少，酥脆可口。