皇后冰室

Open Now

Now Closed

今日同朋友傾開，觀塘呢間皇后冰室cp值勁高，好食又平民化，所以二話不說就去食下先。一行到入去就見到有幅好大好靚既粉筆畫，果然係好用心既設計。但最諗唔到既係佢地既下午茶竟然有咁多選擇。 佢並唔係一般茶記既普通常餐下午茶，而真係高質有扒有蛋包飯，真幾正。我地叫左三文魚蜆肉忌廉汁天使麵，好香忌廉味，凍左都唔會膩，而且三文魚同蜆肉好夾。 西西里雞扒蛋包飯，做得賣相好靚，珍珠米都好滑，每一啖都好豐富。 雞扒大件又夠稔，同個醬汁又夾，搞到忍唔住真係要食晒。 然後最正係鐵板紐西蘭西冷配洋蔥圈，西冷扒質好稔又厚，亦有扒香，唔似出面既咁薄，仲要配埋好好味既炸洋蔥圈，超高質。而佢既餐湯都好飲，咖啡都好出色，同咸檸7都好正，冇諗過會有咁大粒咸檸。 所以真係好有誠意，好值得一去再去既冰室。