TORIO喫茶部 (Closed)

觀塘就好多隱藏喺工廈既美食既，今次同朋友黎開呢頭就搵返間工廈cafe食個lunch。之前見過介紹，望落感覺都幾闊落幾好坐，咁啱卡位比人坐哂，我同朋友就坐喺比較近門口既位置。我哋叫左Torio招牌青蘋紅茶咖喱飯、東洋溫泉玉子長鰻魚飯、Caramel Latte同埋糖漬柳橙紅茶。門外面既招牌。Torio招牌青蘋紅茶咖喱飯︰咖喱帶少少甜味，幾好食，足料，牛肋肉勁腍而且好食，但係唔太食得出青蘋紅茶味。糖漬柳橙紅茶︰同普通紅茶相比，入口帶有少少甜味。Caramel Latte︰甜甜地既焦糖味令咖啡更易入口，但係又唔會完全蓋過咖啡既苦味，唔錯。東洋溫泉玉子長鰻魚飯︰一上菜就聞到木魚既香味，鰻魚都幾大條，肉質幾肥美，d汁都好正，撈飯一流最後見隔黎枱既雞蛋布丁好大份好吸引，我哋都叫左。雞蛋布丁香滑，幾好食。美中不足就係上面呢粒車厘子，可能係浸過糖水，甜味太突出，可以話係有d假，搶走左車厘子本身既味道。布丁好食，但係上面粒車厘子就麻麻。總括黎講呢間樓上cafe既裝修幾靚，行復古風，都幾好坐。食物都唔錯，值得一試。